سواكن الجميله

حكاوى الزمن الجميل...( سواكن الجميله )
اجمل مدينه زرتها سنة 1983 لم ارى فى حياتى اجمل واكثر من سمك الزينه بالوانه الرائعه يعوم امام الشاطىء فى مياه صافيه زرقاءنقيه وشفافه ولاول مره شاهدت قناديل البحر بالوان رائعه ؟
!كانت الجزيره مهجوره ...هجرها سكانها ومازالت بيوتها وشوارعها كما هى ... نظيفه منظمه هادئه تغلق ابوابها فى المساء وقبل حلول الظلام قالوا انها مسكونه
فى الحقيقه لايعرف احدا شىء عن تاريخها فى العصور الخاليه الا تلك الحكاوى القديمه عن ايام سيدنا سليمان انه سكنها الجن كسائر الجزر
مره احدى السيدات حكت لى ان القطط فى سواكن بتتكلم عربى ...وانه احدى السيدات كانت بتقلى السمك وطبطبت على رجلها القطه ومدت يدها وقالت : هاتى حته...؟!
عندما تجولت فى الجزيره طلعت على ماذنة احد الجوامع الصغيره وشاهدت من اعلى كل المدينه من كل الجهات جميع البيوت كانت من طابق واحد ومازالت محافظه على شكلها ...منظر البحر من اعلى الماذنه رائع وصافى وجميل رغم انه مليان سمك القرش
مره زوجى رحمه الله كان فى رحله فى سواكن ووجد رجل يجلس على كرسى وبيده سناره يصطاد قال له : السلام عليكم
وقبل ان يرد السلام سحبه القرش هو والكرسى والسناره الى عرض البحر ؟!
مدينة سواكن ذكرها ابن بطوطه فى رحلاته فى العصور الوسطى وانها كانت معبرلهروب العديد من امراء بنى اميه
اما فى القرن 16 غزاها السلطان العثمانى سليم الاول وجعل فيها مقر للحاكم ...وعندما زرتها عام 83 كانت لها بوابه تفتح فى الصباح وتغلق فى المساء قبل الظلام وتستقبل زوار رحلات اليوم الواحد من كل مكان
والى لقاء اخر ان شاء الله
ماما عطيات

بحب الزقازيق

حكاوى الزمن الجميل....( بحب الزقازيق )
حصلت على بكلريوس التربيه الرياضيه سنة 1962 وكنا ثانى دفعه للمعهد العالى قبل ان يكون كليه
الدراسه كانت رائعه وكنا نحلق مثل الفراشات ونلعب كل الالعاب الجماعيه والفرديه وندرس قوانينها وتاريخها وتدريباتها عملى ونظرى
لم تكن كرة اليد من المواد التى درستها الا عام 1963
كانت فكره رائعه من المسؤلين عن اللعبه فى الاتحاد...ارسلوا دعوه الى جميع مدرسات التربيه الرياضيه فى كل مدارس الجمهوريه فى الاجازه الصيفيه
واجتمعنا فى مخيم فى ارض ( المكس ووادى القمر )
انا احب حيات المعسكرات احب الهواء النقى والالتزام بمواعيد التدريب
كانت تقوم بندريبنا مدربات رائعات من النادى الاهلى

كانت لهم طريقه رائعه جعلتنا نحب هذه اللعبه الجديده علينا ونتحمل التعب والمشقه ونتعلم الصبر والاصرار على الفوز
كانت لنا ساعه واحده فى الاسبوع جوله حره كنت اقضيها على كازينو امام البحر مباشره ..كانت لى مائده مميزه فى اخر ركن بجوار الشباك انظر منها على البحر
مش عارفه ليه وانا صغيره كنت احب منظر الامواج وهى ترتطم بشده على الصخور ...اما الان فهى توحى لى افكار حزينه ؟!
فى الزمن الجميل كانت الفسحه تكلفنى خمسة قروش ادفع منها تعريفه بقشيش واتناول بالباقى ( الشاى الكومبليه ) شاى وحليب فى طقم صينى ومعه قطعة بسكويت
بعد عودتنا للمدارس انتشرت لعبة كرة اليد وسافرنا الى عدة بلاد وحصلنا على المركز الرابع فى مدرسة الاسماعيليه الاعداده للبنات
لا اعرف كيف كنت اسافر بمفردى مشرفه عل 12 طالبه وكيف كنت اعد الفواتير للمدرسه بكل قرش صرناه على الفريق ؟!
اجمل مدينه قامت فيها المباريات كانت الزقازق فقد عوملنا معامله كريمه جدا من الجميع رغم اننا فزنا عليهم
ورغم انها كانت زيارة يوم واحد الا ان انطباعى عنها مازال جميل حتى اليوم
بحبك يا زقازيق
والى لقاء اخر ان شاء الله
ماما عطيات

حرف الالف

حكاوى الزمن الجميل.......( حرف االالف )
سنه 1946 كانت اول زيارتى لجزورنا بالمنصوره ورغم انى كنت طفله صغيره غير اننى مازلت اذكر تلك الايام الجميله ...واحن الى تلك المشاعر الصادقه الدافئه الحانيه ...؟!
كان بيت ستى يجمعنا كل يوم كانت ستى كلها بركه وكرم ..جدى كان من علماء الازهر الشريف وامى كانت متعلمه فى زمن لم تكن تتعلم فيه النساء وتخرجت من معلمات المنصوره وتلمذت على يد السيده نبويه موسى

عمى رحمه الله كان معلم وعالم وشيخ وامام مسجد
اما زوج خالتى فكان اول من علمنى اكتب حرفا....؟! واول من اعطانى صوره ذهنيه رائعه عن المدرسين ..واول هديه حصلت عليها كانت منه : اعطان ريش الوانها زاهيه واقلام الباسط ونشافه للحبر تتحرك يمين وشمال ودواية حبر فارغه له قاعده نحاس
الله يرحمه لم اراه الا مره واحده كان رجل طيب وودود وعلمنى ان الهمزه على حرف الالف احيانا فوق واحيانا اسفل منه
كنت احتفظ بادوات الكتابه التى اعطانيها واستخدمها الى ان اخترع القلم الجاف
اسرتى فى المنصوره هم فقط من يعرفون اسم الدلع ( تيتى ) اى حد بينادينى به اعرف على طول انه قريبى
فى الزمن الجميل اعطتنى جدتى مليم ولما لقيت بائع البطيخ امام المنزل اشتريت بطيخه بالمليم ومقدرتش اشيلها
الله يرحم الجميع
مرت الايام ومن حبنا فى التدريس طلعت انا واخواتى الخمسه مدرسات ..وتزجت ثلاثه منا مدرسين وكنا عندما تجتمع الاسره نفخر باننا عائله مثقفه
والى لقاء اخر ان شاء الله
ماما عطيات

الحرس الامين

حكاوى للاطفال....(الحارس الامين )
كان ويامه كان حكايه بترويها كل الامهات فى كل زمان حكاية ثلات اصدقاء ..ديك ومعزه وحمار ..اتفقوا على زراعة ارض لهم بالبرسيم واتفقوا على ان يقوم كل يوم واحد منهم بالحراسه حتى الصباح
اليوم الاول كانت الحراسه على الديك ..الدنيا كانت برد شديد والليل كان طويل والشمس غابت وراء السحب الكتير ...
الديك جاع وقال : ايه يعنى لو اكلت عودين من البرسيم ؟
فكر شويه وقال : لا دى تبقى خيانه انا متفقتش مع اصحابى على كده
اليوم التانى كان الدور على المعزه والجو كان لسه بارد بس المعزه عندها صوف بيغطى كل جسمها اول مجلست راحت فى سابع نومه ولما صحيت زعلت قوى وقالت : ليه النوم غلبنى وانا فى يوم حراستى ى ؟ وفضلت صاحيه طول الليل تجرى وراء الناموس وتدافع عن الزرع
اخريوم كان يوم الحمار ...الجو كان جميل والقمر كان منور والبرسيم كان بيتحرك شمال ويمين مع نسمات الهواء العليل
الحمار مقدرش يقاوم وفضل ياكل عود من هنا وعود من هنا لغاية مخلص الزرع ونام ؟
فى الصباح حضر الديك والمعزه وسالوه مين اللى اكل البرسيم ؟ وقال انه كان نايم
راحوا الثلاته على بير زويله
الديك قال : كوكوكوكو لو كنت اكلته ولا شربته اقع فيك يا بير زويله ونط موقعش
قالت المعزه : ماء..ماء يا بير زويله لوكنت كلته اوشربته اقع فيك يا بير زويله ونطت موقعتش
الحمار قبل مايفتح فمه كان اتزحلق ووقع ....واعترف انه كان غلطان ومش حيكذب على حد تانى لانه عرف ان الكذب خيانه وان االحرامى ايضا كذاب
اصحابه سامحوه بس حكموا عليه يزرع لوحده وميكلش ولا عود برسيم من المحصول الجديد
وتوته توته قرغت الحدوته حلوه ولا ملتوته ؟!
الى لقاء اخر ان شاء الله
ماما عطيات

المفتاح فى جيبى

حكاوى الزمن الجميل .....( المفتاح فى جيبى )
سنة 1962 كنت اعمل مدرسة تربيه رياضيه بالاسماعيليه وكنت اقيم مع المعلمات فى الداخليه وكانت لنا فسحتين كل اسبوع واحده نذهب فيها الى شارع الاربعين للتسوق وللفرجه على بضائع ( غزه ) التى كانت تحضرها معها بعض النساء بالسفر والعوده بالقطار الى العريش وغزه ...فى الحقيقه كنا نتسلى بالفرجه على الملابس المستعمله التى كانت تضعها المسافره فى صره كبيره تم تفردها على الارض فتملا بها المكان ...وكنا نقلب فى الملابس والبلاطى الفاخره ونتناقش فى الافلام الاجنبيه التى شاهدنا فيها تلك الازياء ..كنت اشترى بعض الهدايا وادوات التجميل قالوا انها من ( ماكس فوكتر )
تعرفت على صديقه فلسطينيه كانت تسكن فى حى العرايشيه فى الاسماعيليه وكانت تقول ان جدتها مازالت تحتفظ بمفتاح منزلهم فى فلسطين وقالت ان ام جدتها ماتت والمفتاح كان معلق على صدرها
اما الفسحه التانيه فكانت كل يوم جمعه نذهب الى السينما ( سينما الجلاء ) فى معسكر الجلاء كان الاوتوبيس ينقلنا من الاسماعيليه الى المعسكر مجانا ذهاب وعوده وكانت تذكرة السينما بقرشين
كانت سينما رائعه عندما يشتد الحر يفتح الصقف اتوماتيك
والى لقاء اخر ان شاء الله
ماما عطيات

مدرس الجغرافيا

يوم ...بعد يوم...... ( مدرس الجغرافيا )
كنت جالسه اليوم وحدى فى البيت او بمعنى اخر راقده تحت اللحاف وسقعانه ومش قادره اقوم افتح الدفايه ...
وانا سرحانه سمعت طرق خفيف على باب الحجره ...قلت : ادخل
كان احد الاحفاد وفى يده شىء يمسكه باهتمام شديد وملفوف بطريقه انيقه جدا
قال : تيته حبيبتى احضرت لك البسكويت النوع اللى بتحبيه ...بقالى كام يوم بابحث عنه واول ملقيته جبته لك على طول
جريت الدموع فى عيونى ...واستيقظ قلبى على المعانى الرائعه التى نسيتها من زمان ؟!
ياه ....اخيرا عثرت على الحب الحقيقى ...؟! اخيرا وجدت من يعرف ماذا احب وماذا لا احب ؟!
قلت : هل الدنيا بتشتى ؟ وقبل ان يرد عليا كنت صلحت العباره وقلت : هل الدنيا بتمطر ؟ ...تذكرت على الفور مدرس الجغرافيا رحمه الله عندما سمعنى وانا طفله بقول : الدنيا بتشتى ...وقفنى على الصبوره وقال متى تمطر السماء فى مصر ؟ قلت فى الشتاء...قال فى بلاد تانيه تمطر فيها فى الصيف
من الافضل ان نقول الدنيا بتمطر بدل الدنا بتشتى
والى لقاء اخر ان شاء الله احسن انا لسه سقعانه
ماما عطيات

عوف الاصيل

حكاوى للاطفال ...( ..) ...عوف الاصيل
كان يامه كان فى احد البلدان تاجر من تجار زمان بيتاجر فى العطور واللولى والمرجان .. ( اسمه عوف ولامانته وصدقه اشتهر بعوف الاصيل )
وكان يحمل تجارته فى كيس من القماش يحمله على ظهره ويلف به فى اللاد
مره وهو ماشى فى احد البلدان مر على بئر وقع فيه قرد ومعاه انسان ( قرد وقرداتى )
قال : احب ان اعمل خيرا وانقذهم من البئر باى طريقه والاجر والثواب على الله
اخذ يحاول ويحاول حتى القى اليهم الحبل الذى يربط به بضاعته
تعلق القرد بسرعه فى الحبل وخرج وشكره وبكى واخبره انه يسكن فى مكان قريب من قصر الملك وطلب منه ان يزو ره حتى يرد له الجميل
وقال : لا تخرج الانسان من البئر فرغم انه احسن المخلوقات الا انه قد يكون بعض الحيوانات والطيور من هو افى منه ؟!
اخرج الرجل من البئر وشكره ووصف له عنوانه وطلب منه زيارته حتى يرد له الجميل ؟!
مرت الايام وباع التاجر ما معه من اللولى والمرجان ولم يبقى سوى عقد واحد اراد ان يهديه الى السلطان
وفى طريقه الى القصر تذكر عنوان القرد وذهب لزيارته ...عندما راه القرد فرح وقال : انتظرنى قليلا حتى احضر لك شئ
واسرع وعاد بانوع من الفاكهه اللذيذه وقال : نحن القرود لا نملك شيئا لنرد لك به الجميل سوى هذه الفاكهه
شكره وانصرف حتى وصل بيت الرجل( القرداتى ) واخبره انه يريد اهداء العقد الاخير الى السلطان
قال له الرجل : انتظر قليلا حتى احضر لك طعام جيد من السوق وطلب منه النوم حتى يعود اليه
تسلل من ورائه وسرق العقد وذهب به الى السلطان وااخبره انها هديه منه
اكرمه السلطان وزاع الخبر فى المدينه
ذهب القرد الى الرجل الطيب وايقظه من النوم واخبره بما حدث
وقال : انا قلت لك من الاول بلا ش تخرجه من البئر وكما قالوا : من يفعل المعروف فى غير اهله يكن وبال عليه ويندم
والى لقاء اخر ان شاء الله
ماما عطيات

بنت الحطاب

حكاوى للاطفال .....( 17 ) بنت الحطاب
كان ...ويامه كان ...راجل حطاب غلبان عنده ثلات بنات واحده كبيره وواحده وسطانيه وواحده صغيره
ماتت امهم قبل ميعاد الحج بايام ... كانت طول عمرها بتوفر وتدخر وتحلم باليوم اللى حتسافر فيه مع قافلة الجمال الذاهبه الى الحج والتى تمر على بلدهم مره فى العام
الحطاب كان راجل طيب وبيحافظ على كلمته ويوفى بوعده مهما كانت الظروف وكان دايما يقول : الوفاء بالوعد مش محتاج غنى ولا فقير
قرر انه يحج عن ام البنات هذا العام ؟!
عندما سمعت بذلك ابنتيه الكبيره والصغيره غضبوا وقالو لمن تتركنا يا ابى ؟!
قالت الفتاه الوسطى : اذهب يا ابى على بركة الله والله لن يضيعنا
بعد سفر الاب بايام لم يعد عندهم اى طعام ...اخذت البنتين يوبخانها ويقلولها : انتى اللى شجعتى والدنا على السفر ..ورينا الان حتاكلينا منين ؟!
قالت : ان الله وحده هو يطعمنا ويسقينا
فى نفس اللحظه سمعوا طرقا على الباب :
كان الامير وجنوده فى رحله للصيد وتاهوا ونفد منهم الماء
اسرعت الفتاه واحضرت ماء بارد فى كوز نظيف وقدمته بادب الى الامير
شرب الامير ووضع دينار فى الكوز وقال لعساكره من يحب ان يفعل مثلى
كل واحد من العسكر وضع دينار فى الكوز حتى امتلا عنء اخره ثم انصرفوا
قالت الفتاه لاخواتها :
الم اقل لكم ان الله وحده هو الذى يطعمنا ويسقينا
والى لقاء اخر ان شاء الله
ماما عطيات

لم نزرع الشوك

حكاوى الزمن الجميل .... لم نزرع الشوك
سنة 1970 كنت اعمل فى احد المدارس الثانويه فى احد البلاد التى تبعد عن الخرطوم عاصمة السودان
كنا نركب القطار البطىء الهادى ونحمل معنا الذاد والزواد والماء و وغيره يكفينا ثلاثة ايام حتى نصل الى المدرسه كنت دائما فى رحلاتى اخد معى مخده وراديو وترمس لزوم الشاى ...كان فى كل سنده او محطه للقطار يحضر اطفال صغار معهم براد الشاى ويبيعوا للمسافرين
كانت الدنيا بخير فكان فى كل سنده ينزل المسافريت يتجمعوا على الرمال بجوار القطار ويتشاركون الطعام
كنت احب السرير العالى واترك السريرين الاخرين لرفقاء الرحلله لم يكن هناك اختلاط كانت النساء تعد الطعام وتعمل السلطه وتعطيها للاولاد من الشباك
فى الحقيقه الرفقه الطيبه كانت تهون عليا مشقة السفر
بعد صبر ومعانه وصلت الى المدرسه وكان من حظى لسىء اننى جعلونى مع احد المدرسات فى حجره واحده ..ولم تخبرنى ان الوجبات الثلاثه مجانا وايضا اللبن الحليب مجانا مرتين فى اليوم
كنت اجد صوانى الطعام الجيد ملقاه على الارض امام الحجره ولم اكن اعرف انه كانت لى ؟!
وعند مساء كل يوم كانت تحضر زوجة الناظر ويسمعونى التعليقات السيئه عن المصريين مثل انهم بخلاء وانهم ياكلون الحمام مجان فى هذه البلدة التى يكثر فيها الحمام
لم اهتم كثيرالما كانو يقولونه وبمجرد انشائى فريق للمرشدات عزمت كل المعلمات ومنهم زوجة الناظر وصديقتها على وليمه من الحمام قمت بشراؤه وخليت الطباخ اعده لنا
لا اعرف لماذا كان وجودى يضايقها مع انى كنت صغيره ولم تكن عندى اى تجارب فى معاملة الناس وايضا لم ازرع الشوك
والى لقاء اخر ان شاء الله
ماما عطيات

ام السعد

حكاوى الزمن الجميل..... ( ام السعد )
عندما ياتى المساء فى الليالى القمريه وقت الخريف وتهب على نسائم الصباح المنعشه احن الى ايام طفولتى المبكره ايام الطفوله البريئه .. ايام الطفوله السعيده
سنة 1944 كنا نسكن فى كفر الدوار امام ترعة المحموديه فى منزل على النظام االعربى دور واحد وله حوش كبير وبالكونه على الشارع بها حائط يوضع عليه المراتب والسجاجيد فى الايام المشمسه
ورغم انى كنت طفله تحملنى الداده الا انى كنت احب مشاهدة المراكب الشراعيه التى تسير ببطىء فى ترعة المحموديه وكنت اراقب الاسماك وهى تجرى وتقفز فوق الماء
كانت لنا جاره طيبه جدا تسمى ام السعد
كانت دائما تقول ( الله كريم ) وكانت تخبز العيش لكل الجيران وتشوى البصل والبطاطا والسمك كانت تحبنى وتفضلنى عن باقى الاطفال وتعمل لى عروسه بعجين الخبز وتسويها لى وكنا نجرى ونلعب حولها
مره وانا طفله كان عندى حصاله كلها تعربفات مخرومه وبكيت وزنيت لامى حتى تجعلهم عقد وفعلا احضرت الخيط وعملت لى العقد ولبسته
وفى يوم من الايام حملتنى الداده للفرجه على المراكب مثل كل يوم واقنعتنى ان ازرع شجرة فلوس ...قطعت العقد وجعلتنى ارمى واحد واحد تحن شجرة بوص صغيره
وعند عودتنا الى البيت اختفت الشغاله كما اختفى عقدى ؟!
ايام الزمن الجميل وبرائة الاطفال كنا نلعب بالطين لم يكن قذر او به ميكروبا ت كان لونه اسود لامع وناعم جدا قالوا انه الغرين الذى ياتى به النيل مع الفيضان كل عام
كنا نشكل منه اشكال لادوات المائده وكنا نتركها لتجف فى الشمس لم يمنعنا اهلنا من اللعب فى الطين ؟!
فقط مره واحده ضربتنى امى لاننى كحلت عيونى منه .....؟!
اه يا طين بلدى كم احبك واشتاق اليك
والى لقاء اخر ان شاء الله
ماما عطيات

رحلة العذاب والصبقر

يوم ...بعد يوم .......رحلتى مع العذاب والصبر
فى يوم 12 فبراير 2017 صحيت من النوم لقيت نفسى مش قادره انزل من السرير وبدات الرحله ...كانت الالام شديده الى جانب الشيخوخه ووهن العظام بحث ابنى ايام ورا ايام حتى عثر على طبيب وافق على الحضور الى المنزل
حضر الطبيب وكان على عجل حتى اننا لم نعرف اسمه وقال انه عرق النسا وكتب لنا علاج لم ياتى بنتيجه
ذهبنا الى طبيب اخر قابلنا بكل الترحاب وظل يشكر فى ابنى ايمن ويعدد محاسنه كان قد تعامل معه قبل ذلك فى علاج احد الاقارب
بعد الكشف قال : كل شىء جميل ..القلب سليم والضغط كويس ثم سالنى سؤال مفاجىء
عامله ايه مع الاكل ياحاجه ؟
قلت على الفور : بحب الاكل النوعيه وليست الكميه ؟!
قال : انتى كده ريحتينى ...انت جايه لى ليه ؟!
قلت : الاولاد اللى جابونى علشان يشوفو قلبى فيه ايه ؟
قال : قلبك سليم بس وزنك زائد لازم تنزلى الوزن
قلت : لااحب ذلك انا جده والجده لازم تبقى ضخمه مش معصعصه؟ّ ونسيت ان الدكتور كان معصعص
مرت الايام وارتفع صوت الالم من جديد حضر اخى الطبيب من الخارج وزارنى وكان على عجل ولكنه اعطانى طاقات ايجابيه ووضع امامى هدف سامى
جعلنى اقاوم حالة الضعف والانكسار التى كنت وصلت اليها ...ووعدته ان استعين بالله تم بنصائحه
واخيرا منذ يومين هدانا الله الى طبيب ماهر ومخضرم فى المهنه ...حدد المرض وكتب العلاج وكانت نهاية الرحله فى الاجزخانه ؟
كتب الطبيب بخط غامض فاختلف ميعاد الدواء ماذا افعل : حاولت مقارنه الحرف فى الروشته مع اسم الدواء وانفذ التعليمات ؟ّ
للاسف اخذت جرعة الليل بالصباح فاصبح نهارى ليل فظيع لم استطع القيام من النوم
ذهب ابنى بالوشته للصيدلى وتاكدمن المواعيد الصحيحه
الحمد لله ان ربنا هدانى الى طبيب ماهر وصيدلى امين
والى لقاء اخر ان شاء الله
فى يوم بعد يوم من يومياتى
ماما عطيات

انا والاصدقاء

حكاوى الزمن الجميل ...( ... ) ...انا والاصدقاء
عندما دخلت الشبكه العنكبوتيه دخلت برجلى اليمين وقلت توكلت على الله واستعنت باحفادى فى الكتابه لانى لم اكن استطيع التحكم فى الماوس
البيت الاول الذى دخلته كان حراس المحروسه تعلمت منهم لاول مره كيف استخدم الكمبيوتر جزاهم الله خيرا على تواضعهم وحسن معاملتهم لى
فى الزمن الجميل كنا ندخل اى جروب كاننا فى اسرتنا وبين اهلنا وتكونت بيننا بطول التواصل صداقات حميمه مستمره حتى اليوم
كانت لى صديقه عزيزه فى حراس المحروسه كتبت يوما حكاية السمكه والعصفوره وكنت متاثره جدا لانى سمعتها لاول مره فقلت : ممكن العصفوره تحضر اولادها والعش وتجلس بجانب النهر لان السمكه مسكينه ستموت اذا طلعت من الماء والعصفوره مسكينه ستغرق اذا دخلت الماء ؟ وكنت ابكى وهى تضحك حتى كتبت فى خواطرى :
قالت الاسطوره احبت سمكه عصفوره
وتركتها فى بحور مهجوره .....الخ
البيت الثانى الذى دخلته كان ( ضابط شرطه وافتخر )
كنت احب هذا الجروب جدا ولازم كل يوم امر عليه قبل النوم كان كل اعضاؤه متفاهمين ومتحابين ويتناقشون ويتكلمون فى اشياء مهمه ومناسبه للجميع
فى يوم كنت سهرانه لقيت احد الاصدقاء فى الجروب بيقول : يا جماعه ادعوا لفلانه هى الان فى حجرة الولاده ...فضلت صاحيه وكل شويه انادى عليه واقول : خلاص ولا لسه ... كان يقول : الولاده متعسره ادعى لها ياحاجه فضلت ادعى لها لغاية الفجر ماذن واخبرنى الصديق انها قامت بالسلامه هى وطفلتها الجميله
اما بيت العائله الحقيقى فكان ( مصر بعد التغيير )
لن انسى ماحيت تلك اللحظات السعيده التى قضيتها بينهم ولن انسى ماحيت المعامله الكريمه التى عاملنى بها سيادة اللواء ماهر صديق رب العائله
ولن انسى ماحييت سيادة اللواء خالد القطان الذى دفعنى بقوه للنجاح فى دراستى بكلية الاعلام
ولن انسى ماحييت كل افراد اسرتى مصر بعد التغير منهم من اعتبره اخ ومنهم من هو ابن اوابنه لى
لم اشعر ابدا انه عالم افتراضى ...ومازلت اشعر انهم اصدقاء حقيقيون
والى لقاء اخر ان شاء الله
ماما عطيات

الحزام الازرق

حكاوى للاطفال ...( 17 ) ...الحزام الازرق
كان يامه كان ياسعد يا اكرام مايحلى الكلام الا بذكر النبى عليه الصلاة والسلام
كتب الحكايات كتيره وفيها مواعظ وعبر كتيره ...وفيها حكاوى عن الناس الطيبين وحكاوى عن الناس الوحشين كان فيها حكايه عن ملك الغابه كان له عرش داخل عرين بين الاشجار وكان الثعلب هو اكتر واحد قدر يكسب صداقته ىويكون وزير له
فى يوم من الايام سمعوا صوت عالى قريب منهم اخذ الثعلب يوسوس للاسد بقتل صاحب هذا الصوت لولا ان حكيم الغابه منعه وقال للملك : لاتخاف من اصحاب الاصوات العاليه وانما احترس من كل ماهو قريب من الارض
خرج الاسد بنفسه لمعرفة صاحب الصوت وجده ثور مسكين محبوس بين الشجر
ساله : من انت ؟ من اين اتيت ؟ ماذا تريد ؟
كان الثور حلو الحديث ولبق ومؤدب ويحترم الكبير ...اعجب به الاسد وقربه من مجلسه واصبحو اصدقاء
غار الثعلب المكار واخذ يفكر ويدبر ويخطط لخطه يفسد بها هذه الصداقه
بدا اولا بالتودد الى الثور وكسب ثقته حتى اصبح يصدقه فى كل مايقول
مرت الايام ودعى الملك حيوانات الغابه للاجتماع ذهب الثعلب الى الثور واخبره ان الملك لا يريده فى هذا الاجتماع ؟!
وفى اليوم الموعود غاب الثور فقال الثعلب للملك : ايه قلة الزوق دى ازاى ميحضرش الاجتماع ...معنى كده انه مش عاملك احترام
...وعند الاجتماع الثانى ذهب الثعلب الى الثور وقال له عندما تحضر الاجتماع ضع على رقبتك حزام ازرق حتى يحبك الملك ويقربك من مجلسه وعندما وضع الحزام الازرق على رقبته قال الثعلب للملك : هو فاكر نفسه ايه يضع حزام على رقبته حتى يكون مميز ومشهور ويستولى على المملكه ؟!
غضب الاسد وقال : التالته تابته ...يعنى الغلطه الجايه سوف يقتله
بدات معاملته تتغير وبعد ماكانو اصدقاء اصبح يعامله ببرود ولا يقربه من مجلسه
حزن الثور حزن شديد واخد يمشى فى الغابه بغيد عنهم
وفى يوم من الايام وقعت احدى شبلات الاسد فى فخ الصيادين اسرع اليها الثور واخرجها وحملها على كتفه وربط جراحها بحزامه الازرق واسرع بها الى مجلس الاسد
عندما راى حكيم الغابه ما حدث وكيف ان الثعلب جعل الاسد يسىء الضن بالثور
اخذحجر من الارض وكتب على الحزام
( فليخجل من يسىء اللضن )
وتوته توته فرغت الحدوته
الى لقاء اخر ان شاء الله
ماما عطيات

ام دغيدى

حكاوى الزمن الجميل ....( ... ) ...ام دغيدى
الداده الوحيده اللى كانت عندنا فى المدرسه الاعداديه فى كفر الدوار
كانت امراه ريفيه جميله بملابس القريه المرتبه النظيفه وعليها طرحه سوداء تتدلى منها ضفائرها
كانت حارسة مكتب الناظره وكنت دائما اراها واقفه على الباب وكانت عندما تحضر الى الفصل لاستدعاء احد منا كنا نشعر بالرعب والخوف الى ان تعلن عن اسم المدعوه
فى الخمسينات كانت المدرسه شعله من النشاط ومركز اشعاع للمجتمع وكانت تشجع الابتكارات والهوايات وخصوصا اذا كانت الهوايه تاتى بدخل مادى حتى لوكان قليل وكانت تنتشر هواية جمع طوابع البريد
كانت لى صديقات فى الفصل من هواة المراسله وكانت لهم صديقات من بعض الدول العربيه تم التعارف
عليهم عن طريق مجلة سمير
اما انا فكنت اراسل عمى الحبيب وكانت الناظره ترسل لنا الخطابات مفتوحه وكانت الخطابات هى وسيلة التواصل الوحيده قبل اختراع الشبكه العنكبوتيه
مره وصلنى خطاب ومكنش بخط عمى المميز ؟! كانت كلماته مبعثره وينقصها بعض الحروف ارسلها لى احد الاقارب
اخدت الجواب وجريت على الناظره وانا ببكى وحموت من الرعب قلت : والله يابله انا مليش ذنب
اخدت من الخطاب وقراته لاول مره واكتشفت انها كانت ترسل لنا الخطابات مفتوحه ولم تكن تقراها
سلمته لى وقالت : قطعيه وارميه وانسى الموضوع
قلت : يعنى حضرتك مش حتقولى لبابا
ابتسمت وقالت : قطعيه وارميه وانسيه
والى لقاء اخر ان شاء الله
ماما عطيات

انا والمذاكره

حكاوى الزمن الجميل....73......انا والمذاكره
سنة 1959كنت فى المعهد العالى للتربيه الرياضيه قبل مايبقى كليه
كانت الدراسه اربع سنوات اول سنه كانت داخليه اجبارى وكنت لما اروح البيت فى الخميس والجمعه كنت بذاكر ادام المرايه ( اتمرن على الجراند كار وعلى حركة الميزان ) فكانوا اخواتى يضحكوا ومش مصدقين انى بذاكر ؟!
مرت الايام ودخلت كلية الاعلام وانضم اولادى الى اخواتى فى الضحك على طريقتى ف المذاكره
كنت باجلس امام التلفزيون اراقب كل كلمه فى برامج الحوار ونشرات الاخبار وخصوصا باللغه الانجليزيه( لزوم مادة الترجمه الاعلاميه )
والان وانا جالسه على النت محدش منهم مصدق انى بذاكر ( النشر الالكترونى بكلية الاداب )
وحتى لما رحت السينما فيلم اسماعيل يس فى الجيش اول ماظهر كنت برده بذاكر ؟!
كنا بندرس التربيه العسكريه ماده اساسيه ( لليمين در .... للشمال انظر.. كتفا سلاح واحد اتنبن تلاته هوب )
فى يوم من الايام اتاخرت على الطابور لقيت البوابه مقغوله وكل زميلاتى فى الشارع ولقيتنى ماشيه معاهم الى السينما التى لاتبعد سوى بضع خظوات كانت التذكره ب8 مليم وعند الدخول وزعوا علينا قراطيس اللب
ب 2 مليم باقى القرش صاغ
وانا ماشيه معالقطيع كنت باترعش من الرعب وكل ما اشوف عربه استروين سوداء كنت افتكره والدى
الحغله كانت من عشره لواحده ....واحد افلام اسماعيل يس .....
اول ماظهر الشاويش عطيه الناس كلها كانت بتضحك وتصقف وفجا اتقطع الشريط وبقت الناس تشتم ( يا ابن الست اللى مش نضيفه ) قطعت الفيلم ليه ؟وفجاه وقفت جارتنا اليونانيه وتفول بصوت عالى : انا مش نضيفه ؟! انا ام اللى بيدور الفيلم؟!وقلبى كان حيقف لما الصاله نورت ولقيت اختى الصغرى فى الكرسى اللى ادامى ....لاحظت الرعب اللى انا فيه فالت لى : متخفيش ... متخفبش ما انا زيك ؟!كل هذا الخوف اللى شعرت به فى هذا اليوم جعلنى طوال عمرى لا اذهب الى اى مكان دون علم والدى ثم زوجى رحمهما الله .. ولان اخبر ابنى حفظه الله
والى اللقاء فى حكايه جديده من جكاوى الزمن الجميل
( ماما عطيات )

ايامنا الحلوه

حكاوى الزمن الجميل ....( ...)...ايامنا الحلوه
كتب احد الاصدقاء ان قاطع طريق اعترضه وسرق ساعته وقال حتى النصابين واللصوص فى الزمن الجميل كانت لهم افكار وابتكارات ؟!
فكرتنى كلماته بما حدث لاخى الصغير عندما ناداه راجل باسمه وقال له قول لبابا عمو حسين واقف مستنيك تحت واخذمنه الساعه ولفها فى منديل وعندما فتح والدى المنديل وجد عدة حجاره
كانت زمان حكايات النصابين قليله ولا تنتشر بين الناس كانت كل الناس تعيش اللحظه وتستمتع باوقاتها وكان كل وقت له ما يناسبه من الاشياء التى تدخل البهجه والسرور على الجميع
كنا نسمع صفارات البواخر فى الميناء ليلة راس السنه وعندما ياتى شهر مضان يكون انتظارنا كل يوم لمدفع الافطار وكانت الدنيا كلها تتزين ويكون لها بهجه وفرحه وتنتشر صناعة الكنافه والقطايف فى كل مكان
وقبل العيد بايام تنتشر رائحة الكحك والمخبوزات تملا الافران
ولكل مناسبه اشيائها المميزه الاحتفال بالسنه الهجريه بالرقاق والبط والمولد النبوى الشريف بحلوى المولد والعروسه والحصان المشهورين
فى الزمن الجميل كانت الخرفان هادئه ومعتاده على البيوت وتقريبا كان كل الناس بتضحى فى العيد الاضحى
مره جارنا كان سايب الخروف فى الحمام وساب الباب مفتوح فخرج منه ودخل المطبخ ولقى صفيحة جاز بدون غطاء شرب منها ربما شربه واحده ولكن جارنا خاف وذهب به الى المستشفى البيطريه وعملو له غسيل معده وكان عندنا سطح العماره فوق الدور التالت وكان السكان تضع فيه الخرفان واحد منهم قفز يوم الوقفه والناس كلها جريت عليه بالسكاكين و ذبحوه وحتى لا يحزن صاحبه قسموه وباعوه بالاقه وفى صباح يوم العيد كل البيوت عملت الفته وبقت ريحة الطشه فى كل مكان
الى لقاء اخر ان شاء الله
ماما عطيات

حكاوى للاطفال ....(14 ) ..الامير التائه
( الامير مش بعبايته وجزمته ...الامير بعلمه وخبرته )
يحكى انه فى بلاد من البلاد البعيده اللى كان دايما بينها وبين جيرانها مشاكل عديده
فى احد المرات كانت معركه واتاسر فيها الامير ابن السلطان
مرت ايام وانتشر خبر غيابه ومحدش كان عارف عنه حاجه ...هو كان شاب طيب قدر يقنع الحراس وسابوه يخرج وربنا نجاه من الاسر
فى طريق عودته للقصر نظر الى ملابسه المتسخه وقال : لا يصح ان ادخل البلد بهذه الصوره
وغسل هدومه وتركها تجف فوق حجر ونزل الى الماء ليستحم
فى هذه الاثناء حضر اللصوص وسرقوا ملابسه طلع بسرعه من الماء وجرى ورائهم وهو يصرخ ( هدومى...هدومى ) واللصوص تجرى وتضحك عليه ؟!
فى اثناء جريه واندفاعه سقط على الارض والتوت ساقه
مر عليه رجل عجوز على حمار عجوز حكى له حكايته مع اللصوص وطلب منه ان يذهب الى القصر ويخبر السلطان ويرسلوا له ملابسه والخدام قال العجوز : يابنى متقولش انك امير محدش حيصدقك ..الناس بتحكم على الواحد بالمظاهر وبالهدوم الابهه وانت مش لابس الا المايوه
وقف العجوز على باب القصر ولم يسمح له بالدخول قال له الحارس : انا خايف على حمارك العجوز من حمير السلطان ؟! ولما اصر على الدخول قال له السلطان : ارجع اليه وقول له هذه التلات اسئله وتعالى قولى الاجابه
س: مين الاصحاب اللى اتفرقوا ؟
س: ليه القريب بقى بعيد ؟
س:مين الاتنين اللى بقو تلاته ؟
رجع اليه العجوز وعاد بالاجابه للسلطان
قال يامولاى السلطان : ج1 : الاسنان عندما يكبر الانسان وتسقط اسنانه واحده بعد الاخرى ويتفرقوا
واجابة القريب الذى اصبح بعيد : عندما يكبر الانسان ويضعف نظره يرى الاشياء صغيره وكانه يراها من بعيد
والثالثه يامولاى هى العصى تساعد الكبير على المشى وكانها رجل ثالثه
عرف السلطان انه الامير الحقيقى وارسل له ملابسه وخدمه وعلق اللاعلام والزينات على ابواب المدينه
وقال له : الامير مش بعبايته وجزمته ...الامير بعلمه وخبرته ؟!
وتوته توته فرغت الحدوته
ماما عطيات

حبات الفول

حكاوى للاطفال ...(13 ) ...حبات الفول
كان ويامه كان فى سالف العصر والاوان طفل يتيم غلبان مات والده وتركه وحيدا مع امه الفقيره
لم يكن يملك من الدنيا شىء سوى بقره صغيره اوصى بها بان تكون ميراث لابنه يتصرف فيها عندما يكبر
كان الطفل يرضع من لبنها وينام بين يديها وتعلم القراءه والكتابه عليها
كان يدلعها ويطعمها ولا يجعلها تدور فى الساقيه مثل باقى البقر مرت الايام والطفل بقى غلام وفى يوم قالت له امه : يا بنى معدش عندنا اكل ولا مال ومفيش قدامنا غير بيع البقره
قال : اللى تشوفيه يا امى
قالت : اذهب بها الى السوق ولا تبيعها الا بموافقتى
قضى الولد يوم كامل يبحث عن مشترى يدفع فيها ثمن يرضى امه ولم يجدكان كل مره يترك التاجر فى السوق ويقول له لن ابيعها الابموافقة امى ويرجع الى البيت ليسالها وعند عودته للسوق لا يجد ه
وفى اخر النهار نادى عليه احد الاسخاص وابتسم اليه كانه يعرفه الولد المسكين انخدع بمظهر الرجل وابتسامته الصفراء
قال له :
سوف اعطيك سبعة دنانير هذه هى ولفها فى منديل ووضعها فى يد الصبى وقال له : تبت ايدك عليها كويس وخلى بالك من اللصوص
عندما عاد الولد لوالدته كان فرحان وسعيد وعندما فتحت المنديل وجدت بداخله 7 حبات من الفول حزنت حزن شديد وقالت انا لله وانا اليه راجعون والقت الحبوب من الشباك
مرت ايام قليله وظهرت زهور بيضا جميله ملات المكان وبعد ايام تحولت الى نبات الفول
جمعه الولد وباع نصفه وترك نصفه فى الارض ليثمر مره ثانيه
وبمرور الايام اصبح الولد المسكين من احسن التجار بعد ان تعلم درسا لن ينساه وهو الا تغره المظاهر ولا ينخدع بالكلام المعسول
توته توته فرغت الحدوته
ماما عطيات

راجل سعيد

حكاوى للاطفال....( 12 ) .....راجل سعيد
كان يامه كان وميحلى الكلام الا بذكر النبى عليه الصلاة والسلام
مرت ايام على سلطان احدى البلدان وهو حزين ومكشر ومفيش حاجه عجباه وتعب المهرج معاه مش راضى يضحك ابدا وينبسط ..وزاد عليه المرض مبقاش يكلم حد وبقى مش عايز يشوف حد واحتار الاطباء معاه
مرت الايام وجاء حكيم من اخر البلدان وقال : علاج السلطان فى لبس جلباب راجل يكون سعيد وراضى ؟!
راح الوزير بسرعه يبحث عن الرجل السعيد ..قالو له القاضى سعيد يسكن فى بيت كبير وعنده الخدم والحشم وبينام على سرير الحرير ؟!
دخل عليه الوزير لقاه حزين مهموم وشايل اللهم قال له : انت ليه ياجناب القاضى مش سعيد ؟
رد عليه وقاله انا كل يوم كده افضل الوم نفسى وقول ياترى انا ظلمت حد فى حكمى ؟ وياترى انا حكمت على برىء ولا كان الحكم سليم ؟
خرج من عنده ا وقال : القاضى مش سعيد
راح لشيخ التجار وقال اكيد اغنى واحد فى المدينه سعيد ولما شافه عمال يعد فى امواله ويرص الدنانير فى صف والدراهم فى صف ولقاه مهموم وبيحسب ويعيد الحساب ساله هل انت سعيد ؟ قال : انا على طول خايف على مالى وبحرسه ليلى ونهارى ..اذاى حكون سعيد ؟!
فضل الوزير يلف فى البلد تلات ايام بلياليها مش لاقى سعيد .... وهو راجع للقصر لقى كوخ صغير وسمع واحد بيقول : دهب ...دهب
قال اكيد عنده كنز يبقى سعيد
دخل عليه البيت بسرعه وقاله : انت ياراجل انت ...هات جلابيتك بسرعه ؟!
ضحك الراجل الفقير وقاله : جلابية ايه ياعم ...ده انا محلتيش غير القميص اللى عليا ...وفضل يضحك وقاله : اتفضل الغدا معانا وضحك مع حماره وقاله يادهب انا جايب لك اكل زواتى جايب ( فول حراتى
وتوته توته فرغت الحدوته
والى لقاء اخر ان شاء الله : ماما عطيات

الامير طماطم

حكاوى للاطفال.....( 11).....الامير طماطم
يحكى انه فى بلد من البلدان وفى زمن من الازمان كان فيه سلطان ...كان راجل طيب محبوب وبيعامل الناس معامله حسنه
اما بنت السلطان فكانت متكبره ومغروره وترى نفسها احسن من كل الناس
كان كل ما يتقدم لخطبتها احد ترفض وتتعالى عليه ...مره تقدم لها امير كان من اشجع الفرسان كان يتمتع بالصحه والعافيه ودائما ( خدوده حمرا )عندما نظرت اليه ضحكت وسخرت منه وقالت : ( الامير طماطم ) ؟!
غضب والدها جدا واقسم ان يزوجها لاول طارق يطرق الباب حتى لو كان شحات ...وارسل المنادى ينادى فى المدينه
تنكر الامير فى زى فقير وتقدم لخطبتها وتم الزواج واقاموا الافراح والليالى الملاح ثلاثة ايام ثم ذهبت معه الى بيت صغير ومن اول يوم طلب منها ان تتعلم صناعة الحصير واحضر لها زعف النخيل ....وعندما وجد ان يديها الناعمه لا تتحمل خشونه النخيل احضر لها خيوط من الحرير وعلمها صناعة النسيج
ولما اتقنتها وصنعت سجاده تصلى عليها اخذها وعاد بها الى قصره فى بلاد بعيده
مرت الايام وقامت الحرب ووقع الامير فى الاسر
حزنت عليه حزن شديد ولم تغادر القصر وفى يوم من الايام احضر لها الخادم سجاده جميله وبينما هى تدعو الله ليعود اليهم وجدت بعض الكلمات منقوشه علىها بلغة اهلها وامضاء ( الامير طماطم ) وفيها العنوان
ارسلت الاميره الحراس بعد ان ترجمت لهم العنوان واستطاعوا انقاذه والعوده به الى القصر ...وتوته توته فرغت الحدوته
والى لقاء اخر ان شاء الله

ظرف طارىء

حكاوى الزمن الجميل............143............ظرف طارىء
كانت مهنة التدريس هى الغالبه على معظم افراد اسرتى من اول جدى رحمه الله العالم فى الازهر الشريف وامى رحمها الله المعلمه بمعلمات المنصوره وعمى الاستاذ الفاضل مدرس الثانوى وزوج خالتى ايضا الى جانب اربعه من شقيقاتى ....ثم انا
كانت عندى رغبه دائمه فى الحصول على شهادات ...كنت اعتبرها سلاح وامان من الفقروفعلا كنت عندما ابحث عن عمل ابحث عن المؤهل المطلوب واقدم الشهاده الخاصه به ونفعنى ذلك كيرا
كنت احيانا اعمل مدرسة اقتصاد منزلى ..وساعات ابقى مدرسة تربيه رياضيه او تربيه دينيه
وعندما عدنا للوطن تحت تاثير ظروف خاصه وبدات فى البحث عن عمل جديد لم تكن امامى صعوبه وبفضل من الله حصلت على وظيفه فى احد المدارس الخاصه
فى يوم من الايام كنت اجلس فى مكتبى المتواضع حضرت احدى السيدات تبحث عن عمل ؟
كانت قادمه من لسودان بعد ان توفى زوجها وترك لها ثلات اطفال
كانت لاتعرف القراءه والكتابه ولا تعرف حتى كيف تعمل عامله ؟ كانت تعيش فى قريه سودانيه لها طريقه تختلف عنا فى بناء المنازل
فكرت بسرعه وقلت لو قابلت المسؤله عن العاملات لن توافق عليها وكان من حسن الحظ ان غرفة المعمل كانت فاضيه
اخذتها من ايدها واخذت الجردل و ( الخيشه ) واعطيتها الدرس الاول فى طريقه التنظيف وكيفية مسح البلاط وكل ما هو مطلوب من نظافة الفصول وفضلت معاها الى ان اتقنت العمل وفهمت ايه المطلوب ووافقت الاداره على تعينها
ومرت الايام واستمرت 20 سنه فى نفس المدرسه الى ان وصلت الى المعاشى
حضرت لزيارتى منذ يومين وقد انقطعت اخبارها عنى سنوات طويله
سالتها عن اولادها علمت انهم الحمد لله تخرجوا من جامعات القمه
وقالت انها اشترت شقه : قلت بكم ؟
قالت 140
قلت : 140 جنيه فى الشهر
ضحكت وقالت : يا ماما عطيات 140 الف جنيه شقه تمليك
الف مبروك يا عزيزتى ...الحمد لله انى علمتها مهنه بسيطه فى وقت قليل كانت فاتحة خير عليها
والى لقاء اخر ان شاء الله مع
حكاوى الزمن الجميل ( ماما عطيات )

عمى خير

حكاوى الزمن الجميل ...( 111 ) ...عمى خير
كان عمى رحمه الله الاخ الاصغر لوالدى وكان يكبرنى بسنوات قليله...كان راجل طيب تحل البركه فى اى مكان يذهب اليه حتى سمى فى المنصوره بخير
كنت احبه جدا جدا من كل قلبى ولما كنت طفله صغيره ويحضر لزيارتنا فى الاسكندريه كنت اجرى واقفز عليه واقبله و عندما كبرت حاولت ذلك ولكنه رجع الى الوراء واحمر وجهه من الخجل ؟!
الله يرحمك يا عمى ...كان مثلى الاعلى فى الحياه وقدوتى وصديقى وكنت اراسله من كل البلاد والاماكن التى سافرت اليها فكان يراسلنى وينصحنى ولا يتاخر فى الرد عليا وكنت اضحك واقول : ( عمى هو فتى احلامى ؟! )
عندما تقرر سفرى للسودان لم يكن موافق وقال لوالدى كلمته المشهوره : ( جوز بنتك بديك وانده عليها تجيك )
مرت سنوات على وانا بعيده فى الغربه وعند عودتى فى الاجازه كان معى طفلين قضينا بعض الوقت فى الاسكندريه تم اخذتهم للتعرف على جذور العائله بالمنصوره
مرت اعوام اخرى وحضرنا للوطن فى الاجازه غلبنى الشوق والحنين لزياره عمى والاستعانه به وبحمكته فى التغلب على مشاكل الحياه ومن كتر شوقى اليهم نسيت العنوان ؟! ماذا افعل ومعى طفلين ولا يوجد اتوبيس للعوده فى ذلك الزمان الا تانى يوم ؟
وقفنا فى ميدان الشيخ حسنين نتامل الشوارع المتفرعه منه ربما نعثر على شىء يفكرنا بالعنوان
قال ايمن : انا فاكر يا امى كان تحت البيت دكان بيبيع برسيم وكانت عربات الحنطور تاخذ منه ؟!
فى الزمن الجميل كان الحنطور هو وسيلة المواصلات الداخليه وكان لهم محلات مخوص لبيع البرسيم
وجدنا المنزل فرحنا جدا وطلعنا نجرى على السلم وخبطنا على الباب وطلع لنا راجل شبه عمى ولكنه ليس هو وقفنا فى الشارع تانى نتامل البيت ثم عثرت على عمى فى الدور الثانى يجلس على الكنبه ويعطى ظهره للشباك
طلعنا السلم جرى ...عمى ...عمى ...يا حبيبى يا عمى خير ؟!
فرح بنا جدا وزوجته رحمها الله وقال : تصدقى انا قاعد جنب الشباك متسمر بقالى نصف ساعه مش قادر اقوم
يعنى لو انى قمت وقلعت البدله مكنتيش حتعرفينى ....؟!
والى لقاء اخر ان شاء الله

الدببه التلاته

حكاوى للاطفال.....( 10 ) ....الدببه التلاته
كان فيه بيت صغير وسط الحقول تسكن فيه ثلات دبب اخوات واحده كبيره وواحده وسطانيه وواحده صغيره
كانوا التلاته بيحبوا بعض وبيخافوا على بعض وبيساعدوا بعض
فى يوم من الايام الدبه الكبيره قالت لاخواتها تعالوا نزرع قمح ونعمل منه فطيره
ونظمت العمل بينهم كل واحده مسؤله عن حاجه
واحده تجيب الميه من البير ...وواحده تاخد الميه منها وتسقى الزرع ..وواحده تنضف الارض من اوراق الاشجار
مرت الايام والقمح كبر وفرحوا قوى لما لقوا ان كل حباية قمح واحده طلعت سبع سنابل وفى كل سنبله مائة حبه قمح
تعاونوا فى طحن الدقيق وعمل الحلوى والاخت الكبيره عملت لهم بليله وغرفت لكل واحده فى طبقها وقالوا : تعالوا نتمشى شويه فى الجنينه لحد متبرد
كان جيرانهم ناس طيبين عندهم بنات وبنين كانوا بيلعبوا ودخلت الكره غصب عنهم بيت الدببه الجيران
دخلت احدى البنات تجيبها شافت البليله فى الاطباق على المائده مسكت المعلقه علشان تدوق قالت : لا المعلقه دى كبيره عليا
ومسكت كباية الميه قالت : لا دى كمان كبيره عليا
حولت تجلس على الكراسى مقدرتش تطلع عليهم ؟!
دخلت تتفرج على باقى البيت ؟ نامت فى سرير الدبه الصغيره
حضرت الدبب بعد فتره بسيطه قالت الكبرى : مين اللى اكل بمعلقتى ؟
وقالت الوسطانيه ومين اللى شرب من كوبايتى ؟
نادتهم اختهم الصغيره : تعالوا شوفوا مين اللى نايم فى سريرى ؟ صحت البنت وخافت منهم وبكت
قالوا : انت غلطانه علشان دخلتى البيت بدون استاذان ؟! واللى يغلط لازم يعتذر ويصلح غلطته
تغسلى الطبق والكبايه وترجعى السرير مرتب زى ماكان
والى لقاء الخر ان شاء الله
ماما عطيات

المعزات الثلاث

حكاوى لللاطفال....( 8 ) ....المعزات الثلاث
صلوا على النبى .....
كان ..فيه ثلات معيز عايشين مع مامتهم ..وكل يوم ياتى الراعى ياخدها ترعى وتاكل وتشرب من الحقل وتعود لاولادها بلبن كتير
كانت كل يوم قبل ما تمشى تنبه عليهم : متفتحوش الباب لحد لغاية ما ارجع
قالت واحده منهم : بس ياماما ابن الذئب صغير وعايز يلعب معانا
قلت الام : لا ياولاد خدو بالكم : ابن الذئب لازم حيكون ذئب وعمره ما حيكون معزه
كانت كل واحده فيهم لها اسم مناسب لشخصيتها كانت واحده تاخذ اكتر ماتعطى ...وواحده تاخذ ولا تعطى وواحده لاتاخذ ولكنها تعطى
واحده ( حازى ) ...وواحده ( مازى ) ...وسمت الاخيره ( عكازى ) لانها دائما تساعدها وتتسند عليها
حازى كانت منظمه وتمشى على الرصيف ولا تنزل الى وسط الطريق وحتى فى اكلها كانت تاخذ اوراق الاشجار القريبه منها
اما مازى فكانت تحب الاكل وتمزمز اوراق الشجره وكلها
مره راح لهم الذئب فى غياب مامتهم وقالهم : افتحوا يا ولاد انا مامتكم وجايبه لكم برسيم كتير
قالوا : ورينا رجلك من تحت عقب الباب
وعرفوا على طول انها مش رجل المعيز فزعقوله خاف وجرى
مرت الايام ..... والمعزات كبرت وكل واحده عايزه تبنى بيت؟!...واحده بنت البيت من القش فى يوم واحد ...وواحده بنت بيت من اغصان الاشجار فى يومين ...اما الثالثه بنت البيت من الطوب فى 7 ايام وكل يوم اخواتها يضحكوا عليها ويقول لها : انت لسه مخلصتيش ؟
راح الذئب الى بيت القش وخبط على الباب ...قالت : من بالباب ؟ قال : انا الذئب ؟ قالت : ماذا تريد ؟ قال افتحى الباب والى نفخت فيه وكسرته ...ثم نفخ مره واحده فطار القش والعنزه جريت على اختها فى بيت
الاغصان راح لهم هناك ونفخ مرتين فطار البيت وجروا على اختهم فى بيت الطوب ....ولما ذهب لهم وفضل ينفخ فى الطوب تعب وعرف انه ميقدرش يهد بيت اتبنى على اساس متين .... ساب المكان وراح مكان بعيد..... وتوته توته فرغت الحدوته حلوه ولا ملتوته ؟!
والى لقاء اخر ان شاء الله
ماما عطيات

العجوزه والبئر

حكاوى للاطفال.....(8)....العجوزه والبئر
كان يامه كان ف ى سالف العصر والاوان بيت كبير فى بلد من البلدان كان اسمه بيت الحكمه والحكماء
وكان منهم الاطباء اللى بيصنع الدواء وبيعالج به الداء ...ومنهم اللى بيعالج الداء بالحكمه والصبر على البلاء
كانت معاهم فى الدار ست عجوزه اتعلمت الحكمه من الليالى والايام ؟!وكانت كل يوم تكتب حكمه وتعلقها على السور العالى يقراها الرايح والجاى فى كل زمان ومن اى مكان كتبت ( خذ القناعه من دنياك وارض بكل ما اتاك )
فى يوم من الايام راح لها الامير علشان تخطب له بنت تصلح اميره فى القصر الكبير
قالت له : ادينى فرصه ثلات ايام ؟
فى اليوم الاول بعد ما عجنت عجينها وخبزت رغيفها اخذت قلتها الفاضيه وراحت تملاها من البير...لقت صبيه معها القله مليانه ميه من البير ...قالت لهل : ممكن يا صبيه تعطينى حبة ميه ؟
البنت صرخت فيها واحرجتها بكلام وحش كتير وقالت لها يا شحاته ؟!
زعلت العجوزه وتمسكت بالحكمه والصبر ولم ترد على الكلام الوحش بكلام وحش زيه
وفى اليوم اثانى حضرت فتاه جميله سبحان الخلاق فيما خلق
قالت لها العجوز : ممكن ياصبيه تدينى شوية ميه
ردت : حاضر من عنيا
فرحت العجوزه بالرد الجميل ووقفت على البير وقالت : يابير ...يا بير ..ياللى بيشرب منك الغنى والفقير
البنت اللى بتقول كلام جميل يطلع من بقها الفل الياسمين والبنت اللى بتقول كلام وحش كتير يطلع من بقها الصراصير....
فى اليوم الثالت راح الامير عند البير وشاف الفل والياسمين قال :و هيا دى البنت اللى تصلح زوجة امير
توته توته خلصت الحدوته
والى لقاء اخر ان شاء الله
ماما عطيات

ذات الوشاح الاخضر

حكاوى للاطفال....(6)....ذات الوشاح الاخضر
قال الراوى : يحكى انه كانت فى بلاد بعيده تعيش اسره سعيده جده وام وابنتها الصغيره
كل يوم كانت ترسلها بالطعام لجدتها وتقول لها نفس النصيحه : ( متكلميش حد متعرفهوش وانت ماشيه فى الطريق )
فى يوم من الايام اهدتها جدتها ساعه عجيبه كلما تعمل حاجه غلط او تخالف والدتها ترن ؟! وقالت لها دى منبه للضمير اول غلطه رنه واحده ..تانى غلطه رنتين ..لكن لوتكرر الغلط حتفضل ترن لغاية متعتذرى وتصلحى الخطىء
كانت البنت الصغيره مؤدبه وبتسمع كلام مامتها وبتحب جدتها وكانت تختار اللون الاخضر فى كل ملابسها ( الحذاء - الشراب - الفستان حتى الشال ( الوشاح ) كان لونه اخضر
قالوا لها كده حتبقى ذات الوشاح الاخضر مثل ذات الرداء الاحمر بس هناك فرق الذئب فى الحكايه كان حيوان اما هذه الايام فهو يتخفى فى صورة انسان ...اى انسان حتى لو كان فى صورة ينت جميله ؟!وقالوا : لا تغرك المظاهر ولا الابتسامه والكلام اناعم المعسول ومكتوب فى الكتب ( اذا رايت اسنان الليث بادية ..فلا تظن ان الليث يبتسم )
مرت الايام وكل شىء كان تمام الى ان ظهرت البنت الغريبه فى الطريق
قالت : رايحه فين ياشاطره ؟
ردت : رايحه لجدتى ....( منبه الضمير رن )
سالتها : جدتك ساكنه فين ؟
قالت : البيت الابيض دا اللى جنب الدكان .....المنبه ضرب
سالتها : هى جدتك عايشه لوحدها ولا معاها حد ؟ ردت : عايشه لوحدها ( فضل المنبه يرن ..يرن )
سالتها ايه اللى بيرن دا ؟ اخبرتها انه منبه للضمير
اسرعت الغريبه وكسرته وقالت : تعالى معايا حوديكى مكان جميل مليان لعب ومراجيح
احتارت الصغيره هل تذهب معها للمكان المجهول ام تسرع وتروح لجدتها وتعتذر لمامتها
والى لقاء اخر ان شاء الله
ماما عطيات

البحر لا يضحك

حكاوى الزمن الجميل....( ) ...البحر لا يضحك
رغم انى من سكان الاسكندريه الا انى لم اجلس على الشاطىء اكثر من 7 سنين ولم اذهب الى محطة الرمل من سنه
ايوم عندما حجزلى ابنى عند طبيب القلب هناك لم اكن سعيده بالخروج فقد تقوقعت فى حجرتى ( مترين فى مترين ونص ) اكتر من 8 سنوات لاشباك مفتوح ولا يتسلل منه الهواء
حضرت ابنتى ...البسونى ملابس الخروج واحضر ابنى التاكس المخصوص فضلت انظر للبحر من بعيد وكنت ارى وكان امواجه سوداء ؟!
لم تكن زيارة الطبيب بالنسبه لى فسحه او تغيير ..اكره الانتظار فى العياده واتوتر ولا اجد ما يشغلنى عن التفكير فى مرضى
سالت نفسى اليوم : هو طبيب قلب هل احكى له على الام عظامى ام اصمت ؟!
تمت المقابله على خير
هو دكتور ومدرس بكلية الطب والده رحمه الله من اعظم اطباء الزمن الجميل
الحمد لله ان قلبى طلع سليم فقط الامى من ضعف الجهاز العضلى ؟!
والحمد لله لم يطلب منى دايت ولم يمنعنى من الحادق او الحلو وايضا لم يمنعنى من الشاى والقهوه واهم حاجه انه لم يكتب لى على الفوار الذى لا احبه
قلت :اذن خليهم يفسحونى يا دكتور
قال : نعم وانت محتاجه للحركه لتقوية الجهاز العضلى
اخذنى ابنى وابنتى الى مكان جميل على البحر ..قلت : هذا هو البحر اللى وحشنى واشتاق اليه ...لماذا لم يعد يضحك ..اشعر انه يصرخ
فى الزمن الجميل كانت الموجه بتجرى ورا الموجه عايزه تطولها علشان تضمها وتشتكى حالها ..الان اراها بتجرى ورا الموجه علشان تفطسها وتوصل هيا للشاطىء بدلها
والى لقاء اخر ان شاء الله
ماما عطيات

يا ظالم يا عالم

حكاوى الزمن الجميل........( 69 ) .......ظالم او عالم
بينما كانت ابنتى ساره تعد لى القهوه الدنيا مطرت وكنا فى الصيف ومش ميعاد مطر لقيتها تركت القهوه على النار وجرت على بيتها علشان تلم الغسيل
فكرتنى بحكايه حصلت سنة 1972 وكان المطر سبب لنجاة بعض الزميلات ؟!
برغم الحرب اللى كانت دائره بين الجذء الشمالى والجنوبى فى السودان والتى سميت بتمرد ( انانيا ) واستمرت حوالى 16 سنه وراح ضحيتها نصف مليون تقريبا الا ان وزارة التعليم لم تتوقف عن انشاء المدارس وارسال المعلمين
وفى يوم من الايام استيقظ الجميع على صوت المتمردين محاصرين المدرسه من كل ناحيه وممنوع الخروج او دخول اى احد عليهم ...وفضلوا على الحاله دى مده من الزمن كانوا بيتقاسموا فيها اللقمه وعايشين على حبات الفاصوليا المسلوقه فى الماء
وفى اليوم الموعود وضع المتمردون كميه كبيره من القش بارتفاع السور من كل ناحيه ودقوا طبول الحرب استعدادا لايقاد النار والقضاء على المدرسه باللى فيها
وفجاه سمعوا صوت الرعد والدنيا مطرت بغزاره طلعوا يجروا قبل مايولعوا النار
اصل كان من عاداتهم اذا ارادوا اعدام احد والدنيا تمطر يمتنعوا ويعتبروا انهم اما ظالمين او انه رجل عالم ( دينى )
من بين العادات والتقاليد فى الجزء الجنوبى انه على الزوجه ان تقدم السمكه الى زوجها كامله ولا تفصل عنها الراس
فى يوم من الايام كنت عائده مع زوجى رحمه الله من احتفال احدى السفارات
بالخرطوم وكان الوقت ليلا فوجئت بزوجى ينزل بسرعه من العربه ويقول لى دورى وشك الناحيه التانيه ؟! ولما عاد سئلته : فى ايه ؟ قال :احد ابناء الجنوب كان ماشى عريان ؟! مع ان الرئس نميرى اصدر قرار وعقاب لمنع العرى وكمان صرف ملايه لكل مواطن جنوبى يربطها فوق احد الاكتاف حتى تستره
وكنت لاحظت فى بعض الافلام الوثائقيه عن المهرجانات الرياضيه بالجنوب ان الفتيات تؤدى التمرينات وهى عارية الصدور
مرت الايام وانتشر التعليم وفتحت الجامعات المصريه ابوابها لابناء الجنوب وحصلوا على اعلى الدرجات واعلى المناصب
والى لقاء اخر ان شاء الله فى حكايه جديده من :
حكاوى الزمن الجميل ( ماما عطيات )

حلة الوفاق

حكاوى الزمن الجميل ...(...) ..حلة الوفاق
تعلمت الطبخ من امى رحمها الله وجربت كل الطرق التى تعلمتها ولكن لماذا لا اجد نفس المذاق الذى كنت اجده زمان ؟
انا هو انا ...الباميه هى الباميه امال ايه اللى اتغير؟! سالت نفسى هذا السؤال ولم اجد الا ادوات الطهى هى التى حدث لها التغيير : الحله النحاس بقت المونيوم ومصفة الطماطم تحولت الى خلاط ؟
كنا زمان بنعصر الطماطم بايدنا فى مصفى من النحاس ونفضل نعصر فيها لغاية ميفضلش غير القشر ونرميه
كمان كنا بنعمل اجمل كفتة جنبرى او رز باستخدام الهون النحاس ونفضل ندق فى اللحم بعد ان نقطعه قطع صغيره قبل اختراع المفرمه وانتشار اللحم المفروم ؟!
حتى العيش كان له طعم ورائحه شهيه واى حد كان بيروح الفرن يشترى الخبز كان ياكل منه رغيف حاف قبل مايوصل البيت
سنة 1973 عندما سكنت فى هذه المنطقه كان قريب منى فرن بلدى كانت رائحة العيش فى الصباح الباكر تسبح فى الفضاء وتملا الدنيا بالسعاده والامل
مره صديقه لى عزمتنى على فرح ابنها فى بيت العروس وكان العشاء سندوتشات وعند انصرافنا كانت ام العروسه محضره كرتونتين واحده لام العريس وواحده تروح مع الزفه لبيت العرايس
عند وصولنا للبيت وجدت ام العريس سندوتشات فاخره قالت : ياسلام على ام العروسه دى كلها زوق حتى التورته بعتاها ؟!
واما عشاء العرايس فكان الكرتونه الاخرى ( عيش حاف )
فين ايام الزمن الجميل كانت حلة الوفاق - او حلة الاتفاق من اهم عادات وتقاليد الزواج فى مصر وهى الوجبه التى تقدمها عائلة العروسه للعروسين فى ليلة زواجهما لياكلا لاول مره معا فى بيتهم الجديد وكانت مكوناتها تختلف من قريه الى قريه او مدينه الى اخرى وغالبا ماتكون : ديك رومى او وزه او بطه كبيره مع الدجاج والحمام
فى هذه الايام اصبحت العروسه تسال العريس : تحب تتعشى ولا تنام خفيف ؟!
والى لقاء اخر ان شاء الله
ماما عطيات

الاجزخانه

يوم ...بعد يوم ....(45 ) ........الاجزخانه
- احمد ؟!
-تعالى يا حبيبى هات لى الدواء دا من الاجزخانه
-حاضر يا تيته ...بس انا مش عارف معنى الكلمه ايه ؟ عمرى ما سمعتها قبل كده
- امال يابنى كل مره بتجيب لى الدوا منين ؟
- من الصيدليه يا تيته
- احمد ينادى ...ماما ...يا ماما فين الاجزخانه دى ؟ ..انت تعرفى مكانها ومعناها ايه ؟
-قلت : معقول الاولاد ميعرفوش يعنى ايه اجزخانه ؟!
قالت : نعم
-قلت : فكرتونى باول مره سافرت فيها بلد عربى قلت فين التواليت ؟
قالو: الادبخانه
قلت : لا
قالو: بيت الادب
قلت : لا
قالو: المستراح
قلت لا
قالو : الكنيف ؟ قلت : مش مهم الاسماء المهم الافعال ؟
مثلا : الشفخانه :محل الشفاء ( المستشفى )
البوليس خانه : محل البوليس ( التمن ) قسم الشرطه
الكتب خانه : محل الكتب ( دار الكتب )
السلخانه : محل الجزاره
وغيرها .....الخ
عندما احضر حفيدى الدواء قلت : جبته منين ؟
قال : من الصيدلهخانه يا تيته
والى لقاء اخر ان شاء الله مع يوم اخر من يومياتى
يوم ...بعد يوم
( ماما عطيات )

الغسيل الطائر

حكاوى الزمن الجميل....(...) ...الغسيل الطائر
يوم الاحد من كل اسبوع الميه بتبقى قويه قلت اخليه يوم الغسيل ...بس كان لازم الاول اعرف مين اللى حينشر ومين اللى حيجمعه تانى يوم
بقالى 5 شهور ممنوع اشيل اى حاجه او ابذل اى مجهود ...اصابنى الملل وخصوصا اننى كما يقولون كنت شعلة نشاط الحمد لله عندى بنتين يقوموا بذلك حتى ابنى الدكتور لا يستنكف عن ذلك وان كنت انا اللى بتكسف منه
والحمد لله على وجود الغساله الاوتوماتك شالت من علينا عبىء ثقيل
فين ايام ام خيريه الغساله وصوت الوابور فى الحمام طوال اليوم وعدم دخولنا الحمام حتى تنتهى من غلى الملابس البيضاء
فى الزمن الجميل كان الغسيل له اتيكيت فى النشر وكنا نتعلم ذلك فى حصص التدبير المنزلى وكان عندنا كتابين واحد ( ادارة المنزل ..عمل الميزانيه وجدول للنظافه الاسبوعيه والشهريه والسنويه ) وكتاب الغسيل واتيكيت النشر والمكوى
وفى ايامنا كانت الملابس الداخليه الحريمى تعامل معامله خاصه ولها مكان خاص للنشر بعيد عن اعين النظاره اما الرجالى فكانت لها الصداره وتنشر بكل تقدير واعزاز على الصف الاول من الحبال ...قالوا انها تكف العين وتمنع الحسد
كنا ساكنين فى عماره 3 ادوار وكانت كل العمارات حولنا نفس الارتفاع كانت لنا حجره للغسيل فوق السطوح تاتى الينا يوم فى الاسبوع احدى السيدات تغسل وتنشر وتلم الغسيل وتطبقه وتشوف المقطوع تخيطه
كنت احب جدا متابعتها وكانت تطلب منى احضار الشاى لها وتنادينى باسمى بدون تكليف فى الماضى كانت كلمة هانم ملازمه لاسمى
كان غسيلها زى الفل ورائحته حلوه رغم انها كانت تستعمل الصابون القالب قبل اختراع الصابون المشور او الرابسو.....الخ وايضا لاتسرف فى استخدام المياه وكان الجو نظيف لاتراب ولا عرق كانت الملابس تلبس نظيفه وتقلع كما كانت
كنت احب اللعب بزهرة الغسيل وخصوصا ايام العدوان الثلاثى كانت كل النوافز الزجاجيه تدهن بالزهره وكنت احب ذلك
فى الزمن الجميل كان كل بيت فيه عدد من انواع الصابون ( صابون نابلسى اخضربزيت الزيتون - صابون وردى مطهر بالفنيك- صابوقالب كبير للغسيل واخر للمواعين )
وفى يوم من الايام كنت واقفه بتفرج على الاشجار وهى بتنحنى امام الهواء تم تعود وتقف مره اخرى
رغم ان الهواء كان شديد
فلم الاحظ ان الغسيل طار وتفرق على اسطح الجيران والكل بيبحث عنه
الحمد لله انه كله كان ملابس خارجيه فقط ...؟!
والى لقاء اخر ان شاء الله
ماما عطيات

ماء بارد

كاوى الزمن الجميل........( 55 )..............ماء بارد
سنه 1969 كنت مقيمه بالسودان واصابنى الحنين للوطن فقررت الحضور فى الاجازه الصيفيه
لا يشعر بهذا الحنين الا من تغرب عن وطنه مهما كانت وظيفته او مكانته.....
كنت اعمل فى احد المدارس الثانويه للبنات فى احد البلاد الصحراويه ( رغم قربها من النيل ) كانت الصحراء حولى فى كل مكان اصابتنى بالرتابه والملل وحتى اتخلص من ذلك وضعت على النوافذ ستائر خضراء
فى هذه البلده الهادئه هبطت طائره هبوط اضطرارى على سور المدرسه واتغرزت فى الرمال ولم يصاب احد بسوء
فى الزمن الجميل كانت مهنة التدريس مقدره من الجميع....كانت الوزاره تصرف للمعلمه تذكرتين بالطائره واحده لها وواحده للمرافقه اى ست كبيره تكون من الاسره
وينتظرها وفد من المدرسه بعد ان يكون قد اعدوا لها مكان المبيت والعشاء بالداخليه
فى الحقيقه كنت اقابل بكل الترحاب والكرم ولم ينقصنى شيئا غير الماء .....؟! لم تكن هناك تلاجه....

كانت المياه من الابار الارتوازيه توضع فى زير نظيف ولكن الماء مالح... وكانت تتراكم الاملاح على السطح الخارجى للزير وكنت اتخلص منها بواسطة ( الشقفه ) قطعة زير مكسور
مرت ايام قليله ثم اصابنى العطش وتمنيت ان اشرب من النيل
اشترت لى احدى صديقاتى ماء يباع فى القربه المصنوعه من جلد الماعز والمدهونه بالقطران ....الماء بارد ولكن رائحة القطران تغلب عليه
قلت مفيش فايده اروح بنفسى اشرب من النيل وتعلمت طريقه جديده لاحضار الماء اخدت معى كوب ومنديل نظيف وضعت المنديل على الكوب واخذت الماء من الاعماق وليس من على السطح
وبعد كل هذه المعاناه مع المياه تعودت عليها حتى انتهت السنه بسلام وسافرت لقضاء الاجازه مع اسرتى فى الاسكندريه
ولا استطيع ان اصف لكم مدى سعادتى بوجودى بين اخوتى....
وفى يوم من الايام قرات فى الجرنال دعاء بمعنى : اللهم اجعل حبى لك مثل الماء البارد. الحقيقه كنت اشعر فى نفسى ان حبى لله اعظم من ان يقاس باى شىء ثم استغرقت فى النوم فاصابتنى شرقه قويه جاء اخى الصغير(سامى ) بكل لهفه وبكل خوف وبكل حب واحضر لى كوب ماء بارد........لم انسى هذه اللحظه طوال حياتى وتعلمت منها معنى الحب الحقيقى وارتباطه بالماء البارد
والى لقاء اخر ان شاء الله مع حكاوى الزمن الجميل
( ماما عطيات )

وداع ايتها الملوخيه

يوم ...بعد يوم.......45....جود باى ماى لف جود باى
وداعا ايتها الملوخيه ..وداعا ودى اخرت اللى يحب حاجه وياخد منها كتير ...؟!
امبارح على الفطار اول ماشوفت سلطانية الملوخيه نست عمرى ..ونسيت انى كنت صائمه ..ونسيت اخد البلح الاول ومقدرتش اقاوم شكلها ولا رائحتها التى كانت تتارجح فى البيت مع ضرب المدفع
ومش عارفه ايه اللى فكرنى باليابانيين انهم بيشربواها وبيسمها الشربه الخضراء
على طول وبدون مقدمات سحبت السلطانيه امامى وفضلت اتغزل فيها مره واعمل بالعيش الطرى ( ودن القطه ) مره واشرب منها مره تانيه زى اليابانيين
والحقيقه انا كنت فى قمة السعاده ( وعسى ان تحبوا شيئا وهو شر لكم ) بعد صلاة الفجر بدا المغص الملك غاضب ( القولون ) وليس بيدى ما اعمله حتى يهدا ويستكين ...كنت ىصائمه
قلت اصبر ...وبعد مرور ساعه بعد ساعه لم تهدا الثوره وذاد فى تمرده وعناده حاولت النسيان بلا فائده
وعند الافطار تناولت الدواء قرصين ثم اخرين ورفض ايضا الاستجابه
تركت كل شىء وجلست فى السرير ربما يهدا او يرضى
شعرت اليوم بشعور المرضى والجوعى والمحرومين
الان ميعاد السحور ومازال غاضبا .
والى لقاء اخر ان شاء الله فى يوم ..بعد يوم من يومياتى
ماما عطيات

ضى الاناديل ...تكملة ماسبق

حكاوى الزمن الجميل....ضى القناديل....تكملة ماسبق
قالوا: ( اللى يعيش يامه يشوف واللى يمشى يشوف اكتر) هذا ماحدث لى ؟!لو كنت فضلت عايشه فى بيت والدى طول عمرى ما كنتش حتعرف على كل هذه الانواع من البشر..ولكنتش عرفت معنى الحكمه اللى بتقول : اذا انت اكرمت الكريم ملكته...وان انت اكرمت اللئيم تمرد
عندما تغربت وواجهت الحياه كان عمرى 20 سنه( لانى اسرعت بالنجاح من صغرى وبتعدية سنتين فى السنه حسب نطام التعليم زمان)
وعندما وجدت نفسى مع اكتر من 20 معلمه وحكيمتين فى مكان واحد كنت اقضى معظم الاوقات فى تامل حالهم ودراسة شخصياتهم وبالاستعانه بما درسته فى علم النفس اثناء دراستى للتربيه الرياضيه
اول حاجه قلت لنفسى لوعرفت نوع الشخصيه يبقه حاعرف نوع التعامل معها
طبعا كان فيهم شخصيات مختلفه وممكن تتكرر الصفات فى اكتر من واحده
كان فيهم الشخصيه المضحكه والشخصيه السمجه
اكتر شخصيه مكنتش عارفه اتعامل معاها خالص( الشخصيه الهستيريه )كانت لاتبالى باحد لابعد الحدود..حادة المزاج
اول يوم لى ...وضعت براد صغير على وابور الجاز الخاص بى وكنت واقفه امامه ولكنى نظرت من الشباك الى السماء نظره واحده وعندما رجعت بصرى شعرت بالرعب كيف تحول البراد الى حلة ملوخيه
وكنت اصحو من احلى نومه غلى الزراغيط واغانى الافراح بدون اى مناسبه ولم اعرف لها تحليل
احدى الشخصيات كنت اخاف منها ( الشخصيه السيكوباتيه )
الكذب والاستهتار وتميل الى التشاجر مع الاخرين وتتلذذبالاذيه ..دى كنت كل مره انظف الحمام واغسل الصفيحه اللى بنسخن فيها الماء للاستحمام وصفيحتى الخاصه وبخليها زى الفل وفجاه وبدون استاذان الاقيها بتستعملها وبجد كنت ابكى وهى لاتهتم
كان السرير فى الصف التانى ورائى وكانت صاحبته مدرسة علوم ( الشخصيه الانطوائيه ) حاولت التواصل معها بدون فائده تعيش فى عالمها الخاص مشغوله بنفسها فقط
كانت لى زميله... شديدة الاعجاب بنفسها وشديدة الاحتقار للاخرين ( الشحصيه النرجيسيه ) تبالغ فى الاناقه والاهتمام بالمظهر كنت اعرف ان صداقتها قائمه على الاستغلال والانتهازيه ..ولكنها كانت احدى الزميلات؟!
وكنت اتعذب من وسوسة احداهم كانت تتاخر فى الوضوء وتشعر انها لم تتوضى.... هذا قليل من كتير من انواع الشخصيات وطباعهم وكما قالوا : ( الطبع يغلب التطبع )
والى لقاء اخر ان شاء الله( ماما عطيات )

انا والكحك

حكاوى الزمن الجميل.....انا والكحك ؟
اقصد انا وكحك العيد ومش انا والكحك اللى كان بيشرف كل فتره فى الشهاده فى مادة الرسم ؟ ..معرفش ليه انا مبعرفش ارسم ومبقدرش احصل على 4 من 20
اما حكايتى مع كحك العيد فهى حكايه جميله...كان بقالى 8 سنين مشغوله فى المذاكره والامتحانات ومكنش عندى وقت فراغ افكر فيه ..السنه دى بعد مخلصت دراسه كل ما افتح برنامج طهى الاقى عمل كحك العيد
مره لقيت المقدمه ست لطيفه جدا وتجمع حولها الاطفال والجيران وتجلس على الارض بينهم وتعطى كل واحد منقاش وقطعة عجين
بصراحه انا حنبت للزمن الجميل ايام بيت العائله ..وكنت فاكره ان الاولاد فى الزمن دا يسعدهم اللى كان بيسعدنا زمان ؟
وكان قرار خاطىء منى ..احضرت المناقيش وجهزت كل شىء لزوم الشىء وللاسف اعتذرت نصف العائله والنصف اللى حضر كان مشغول بالانترنت والشات ؟
الله يرحمك يا امى كنت دائما باحب اساعدها واتعلم منها
مره كان رمضان فى الشتا والدنيا كانت برد وكل البيت نامو معادا انا وامى والعجينه بردت وتجمدت وكل شويه امى تعطينى قطعه وتقول : طرى يا تيتى ...وفضلت اطرى والعجينه تبرد واطرى تانى لغاية امى منعست وسابتنى ونامت
انا بكل اصرار وصبر فضلت قاعده لوحدى حتى الصباح
فى الزمن الجميل كان الفران يرسل الخباز على عربيه كارلو يحمل الصوانى ( الصاجات ) وكان الفرن وقتها بيولع بالخشب ..سيقان الاشجار الضخمه
مره لما رجت الصوانى من الفرن اكتشفنا ان الكحك اتسرق ولم يبقى سو القليل
كانت النساء تتبارى فى انواع النقش: زعف النخيل- المروحه - الورده .....الخ ) وكان البسكويت له شكل واحد يفرد بالنشابه ويقطع شرائط بعجله لها اسنان حاده
اما قمة التميز فكان فى الغريبه ويغنو لها : ( اه يا ناعمه يا غريبه )
لم اكتسب مهاره فى المخبوزات ولكنى بكرر المحاولات
النهارده بعد ما اتخبز الكحك وعاد من الفرن وجدت انه اتفرش فى الصينيه وتحول الى بيتى فور على هيئة كحك ...
والى لقاء اخر ان شاء اله
ماما عطيات

صبر القمر

حكاوى الزمن الجميل........(91 )..........صبر القمر
قالوا زمان : ايه اللى رماك على المر ؟ قال : اللى امر منه...كانت لى جاره فى السودان اسمها ( الصبر الامر ) وكان زوجها بيناديها بصبر القمر ؟!
كانت لها حكايه شبيهه بحكايات مسلسل ( رودز ..الجزور )شاهدته ضقائق معدوده وفضلت ابكى ايام ولم اكن اعرف ان هناك قصص واقعيه اكتر منه ايلام
قالت : ان والدتها كانت طفله صغيره بترعى البقر مع القبيله بجنوب السودان هجمت عليهم ( الجلابه ) تجار الرقيق واخدوا كل السكان
قالت اشتراها رجل مصرى غنى جدا ومن عائله مشهوره واحسن معاملته وعرفها على اسرته فكانت تقضى معهم يوم الجمع وكان لها اشقاء من اماء ايضا كانت تقابلهم
كانت مشكلة تجارة الرقيق فى الزمن الماضى من اهم النقاط الساخنه فى تاريخ السودان
مره حضرت لزيارتنا امراه كبيره فى السن وعندما دخلت الحجره خلعت الشبشب ودخلت حافيه وعندما شاهدت زوجى القت بالحجاب من على راسها بسرعه وبحركه ملحوظه ؟!
عرفت فيما بعد انها كانت من اماء الجد الكبير فى العائله وكانوا فى الزمن الجميل يفرقوا بين الامه والحره بتغطية الراس
كانت بعض اسماء البنات فى المدرسه غريبه عنى وكنت اجد ان الاسم ليس ثلاثى ولا رباعى فقط ( فلانه ادم ) قالوا يعنى الاب غير معروف وكانت عندى كابتن فريق الطائره اسمها ( غلاسه ) وكان يناديها الحكم عادى جدا ...الكره مع غلاسه..اوت يا غلاسه. ....اخ
وقالوا ان من اسباب تجارة الرق فى الماضى البعيد هو زيادة الطلب على الحمالين لحمل البضائع وكان استخدام الابل مكلف لارتفاع ثمنها وتكاليف رعايتها بينما كانت تكاليف المسروقين وتغديتهم وحراستهم اقل بكثير
كان الطلب شديد على الصبيه اعمار من 12 الى 15 سنه كان تمن الواحد خمسه جنيه مصرى
والى لقاء اخر ان شاء الله مع حكايه من
حكاوى الزمن الجميل
ماما عطيات

لا اصدق

. يوم بعد .....يوم ........... ( 43 )......... لااصدق ؟!

.هل انتم مثلى لاتصدقون
لا اعرف كيف يمر الوقت بسرعه
رفعت عينى لارى الساعه كام الان وجدتها تقترب من الثانيه بعد منتصف الليل
ماذا حدث ..لم اقم من مكانى ...اشعر بالشبع فكيف اتناول السحور ؟!
اولادى يتسابقون فى احضار العصير والفاكهه والزبادى وانا لا اعرف متى اتناول منها اى حاجه ...الوقت يمر بسرعه ووجبت الافطار تشبعنى حتى اليوم التالى
انها من علامات الساعه : قرب الزمان ..وانتفاخ الاهله ..لا حظت هلال رمضان فى اليوم الاول كانه ولد من ثلاثة ايام
تقارب الاسواق ايضا فى السوبر ماركت كل الاسواق الصغيره متجمعه فى مكان واحد
انا كرهت الاخبار كلها اخبار عن قتل وقتلى ومقتولين ..وهى ايضا من علامات الساعه كثرة القتل
واهم من هذا ضياع الحياء حتى اعتادت معظم الناس على قلة الحياء ومن قلة الحياء انى كنت ابحث عن شىء فى جوجل واذا بى اقع فى مستنقع للصور الغير مناسبه اقول لكم الحق انا فضلت اتفرج من باب حب الاستطلاع وكل شويه ااقول ...ايه دا ...هما بيعملوا ايه ..؟ ولما حضر الاولاد اعترفت لهم انى كنت بتفرج على الحجات دى
ابنى الله يكرمه عنده برنامج لغى كل هذه الاشياء من جوجل واليوتيب
سالت بناتى : هل اولادكم فى سن المراهقه بشوفوا الحجات دى ؟!
والى لقاء اخر فى يوم من يومياتى
ماما عطيات

تمام يا افندم

حكاوى الزمن الجميل.....( ..) ...تمام يا افندم؟!
من ضباط الزمن الجميل الصاغ : يوسف مندور والصاغ حسن رسمى والصاغ رفعت ...كانوا مقيمين فى مساكن الشركه ومشرفين على معسكر تدريب الحرس الوطنى بشركة الغزل والنسيج بكفر الدوار
كان عمرى وقتها13 سنه ومازلت اذكرهم واكن لهم كل التقدير والاحترام..كانت التدريبات عسكريه وعلى اسلحه وذخيره حيه وكنا بنلبس الافارول ونقف فى طابور التدريب تحت اشراف الشاويش وكانت المتفوقه تمنح شريط كانت رتبتى مساعد عريف ( شريط واحد )
تفوقت فى الرمايه رغم ان البندقيه كانت ثقيله عليا ( لي انفلب ) وتعمر طلقه ..طلقه وبعد الاطلاق لها خبطه جامده على الكتف بس مكنتش بقول اه وكنا نتعلم التنشين من وضع الرقود ومازلت افتكر الاوامر وصوت الشويش وطريقته الحازمه : 1-ارقد ....2- عمر ....3- اضرب
ومازلت اذكر قاعدة التنشين التى تبدا ( تغلق العين الخاليه من التنشين ومحازات الهدف مع سن نملة الدبانه .....الخ
كنت احب جدا تسلق الحبال والقفذ على حفرة الرمال
مره كان عندنا تدريب على القنابل اليدويه وكانت حقيقيه وكان عندنا مكان للتدريب بعيد عن المساكن وفى يوم لم تنفجر القنبله وابعدونا عن المكان وحضر ضابط المفرقعات وهو راكب موتيسكل ويلبس خوذه ونضاره وكان يشبه محسن سرحان فى احد الافلام
لما فجر القنبله قعدنا نسقف ونقول هييه وهو ركب الموتسكل ومشى والبنات كانت هتتهبل عليه
كان المعسكر هو كل اهتماماتنا وسعادتنا وشغل فراغنا والجميع الكل متعاون ولم تحدث اى مخالفات او طابور ذنب لاحد
صحيح احنا لم نشارك فى اى معركه ولكن استفدنا منها فى معركة الحياه
اتعلمنا قوة التحمل والصبر والالتزام واحترام من هم اكبر منا
والى لقاء اخر ان شاء الله
ما ما عطيات

بركة رمضان

يوم بعد.... يوم ....( 42 ).........بركة رمضان
اكتر حاجه بحبها فى رمضان هى لمة العيله على الفطار واحب قوى اتاملهم ساعة المدفع ميضرب ...كل واحده بتجرى فى ناحيه ...اللى بتحضر الكبيات للعصير ..واللى بطلع الصينيه من الفرن ...واللى بتضع اللمسات الاخيره على سلطة الزباذى اليوميه
واانتظر موزع البلح الذى يمر على الجميع فى البت كله
حقيقى انها لحظات رائعه
عندما اشاهد هذه اللقطات فى احد الافلام فى غير رمضان اشعر بنفس الاحساس الجميل بالايام السعيده التى تمر سريعا
ايام كلها بركه فى كل شىء واى حد يلاحظ بعد الفطار كمية الطعام التى تبقى فى الاوانى والحلل
قالوا البركه فى الاكل الجماعى يعنى لو كل واحد وصل فى ميعاد مختلف واكل لوحده تقل البركه
من اول يوم فى رمضان حتى الان كل يوم اسئل نفس السؤال : تحبوا تفطروا ايه بكره ان شاء الله ؟
كانت الاجابات سريعه ومتنوعه وكانت مائدة الافطار بترضى الجميع ..اما اليوم 11 رمضان سالت نفس السؤال فلم اجذ حماس فى الرد بل وجدت حماس من نوع اخر...؟!
لاحظت حركة نشاط غير عاديه فى المطبخ وبعض الاسئله عن بعد :
- فين المفرمه اللى بنعمل بيها البسكويت ؟
وفين مناقيش الكحك ؟
- مضرب البيض دا شغال ولا لا؟
- صوانى الفرن اللى كانت هنا راحت فين ؟
انتبهت بعد ماشربت الشاى والقهوه وفوقت قلت فى ايه ؟
قالت احداهن كل سنه وانت طيبه يا تيته ... احنا دخلنا فى العشره بتاعة (الحلق )
قلت يعنى ايه
قالت العشره الاوائل للعزومات والانواع المختلفه من الطعام والشراب سموها عشرة ( المرء ) الشوربه
والعشره التانيه لعمل البسكوت والكحك والغريبه ( الحلق )
اما العشره الاخيره لخياطة ملابس العيد ومفروشات ليلة العيد سموها ( خرق )
قلت : مين اللى قالكم الكلام دا ؟!
رمضان اوله رحمه ...واوسطه مغفره ...واخره عتق من النار
والى اللقاء ان شاء الله فى يوم اخر من يومياتى
يوم ...بعد يوم ....( ماما عطيات )

عايزه حاجه ؟

حكاوى الزمن الجميل....(...) ...عايزه حاجه ؟
من سنين طويله و وانا فى طريقى للمدرسه شاهدت منظر لفت نظرى وعلق بخاطرى طوال اليوم
كانت امراه من الصعيد تجر عربة خضار بصعوبه شديده ويبدو على مظهرها انها اول مره فى هذا العمل ..كانت ترتدى ملابس نظيفه ومرتبه ويمشى بجانبها رجل ضعيف
وعند عودتى للمنزل وجدتها تجلس بجانبه على الارض وتساعده فى عمل ضفائر من الثوم وهو اخضر
كنا فى الزمن الجميل فى موسم الثوم والبصل نقوم بخزنه ونحتفظ به طوال العام وكانت تتبارى السيدات فى فى ذلك وكنا نرى طرق مختلفه فى الحفاظ به معلق على البلكونات
تعلمنا فى الزمن الجميل ان الاقتصاد نصف المعيشه وقالوا لنا : اى قرش مش بيتصرف فى محله يبقى تبذير ) فكنا نشترى هم اول الموسم بسعر بسيط وكان يكون متوفر عندنا فى اى وقت نحتاجه
حكت لى ابنتى ان صديقتها فى الثانوى كانت والدتها طوال فترة الحمل تضع جانبها كروانة بصل وتفضل تقشر وتقرقش ؟!
وكان عم حسان جارنا يتناول العسل الاسود بالبصل وعمره ماشتكى من ازكام
اما انا فاحب البصل الصعيدى مع الطماطم والشطه واليمون علاج وفاتح للشهيه
فى يوم من الايام وانا بشترى منها الخضار سالتها عن حالها واخبرتنى ان زوجها كان يعمل فى المقاولات حتى مرض وعجز عن العمل وهى تساعده ولما سالتها عن الاولاد قالت بناتها متزوجين فى الصعيد وعندها ولد واحد فى المدرسه الابتدائيه
قلت لها : لازم تخليه يتعلم ويكمل تعليمه علشان لما تكبرى ترتاحى
ومرت السنين سنه ورا سنه ولم اعد اراها وفى يوم وانا ماشيه لقيت حد بيطبطب عليا وعندما التفت وجدتها وقد ظهرت عليها اثار النعمه ونادت على ابنها وقالت : تعالى سلم على الحاجه ؟!وقالت عملت بنصيحتك وتركته يتعلم وكمل تعليمه والان هو بيعمل فى ابو ظبى مش عايزه حاجه ؟!
والى لقاء اخر ان شاء الله
ماا عطيات

ام الدكتور

حكاوى الزمن الجميل...( ... ) ...ام الدكتور
النهارده قبل اذان الفجر بدقائق وانا باخد الدواء وقفت كبسوله فى زورى بالعرض وكنت على وشك الاختناق ... وفضلت اكح واشرب وخايفه الفجر يدن ومكنش معايا حد فى البيت ؟!
قلت يا ترى مين اللى كان بيجيب فى سيرتى ؟ كانوا زمان يقولوا ( اللى يجيب سيرتك يحتار حيرتك ) وانا اقول لا شكرا لكل الناس اللى فكرانى بس ياريت متنساش تدعى لى
لما شعرت انه كان ممكن تكون دى اخر لحظه ليا فى الدنيا اتمنيت انى مكنش مزعله حد وتمنيت ان اكتب اعلان : اللى زعلان منى يقول زعلان من ايه وانا اعتذر له
طول عمرى ىاتمنى ان تكون نهايتى فى الدنيا مثل نهاية صديقتى ( ام الدكتور حسن )
كانت انسانه بمعنى الكلمه لم تغيرها الايام ولم تتكبر او يطغيها المال
كانت صديقتى من الطفوله لم تكمل تعليمها وتزوجت فى سن صغيره ولم تنقطع صداقتنا رغم بعد المسافات وكنت ازورها عند حضورى فى الاجازه ...كنت كل عام اجد طفل جديد فى 12 سنه رزقت ب13 طفل واحد فقط بالقيصريه
كانت النساء فى الزمن الجميل لايعانون من مشاكل الولاده مثل الان قالوا ان قيام المراه بالاعمال المنزليه من مسح البلاط بالخيشه وليس المساحه وغسيل الملابس على الطشت وليس الغسالةكان يفيدها جدا
لم تشتكى يوما من اعمال البيت اومن رعاية اولادها وزوجها وكان ابنها البكرى يضرب به المثل فى الكرم وسماحة النفس ومساعدت الفقراء
ماتت صديقتى وامامها كوب الشاى تنتظر ان يبرد قليلا ؟!
رحمها الله عند عودتهم من المقابر كان كوب الشاى مازال ساخنا
والى لقاء اخر ان شاء الله
ماما عطيات

بيت ستى

حكاوى الزمن الجميل....( ... ) ...بيت ستى
عندما كنت صغيره كنا نقضى الاجازات عند جدتى فى المنصوره
كان بيت ستى بالنسبه لى كمدينة الاحلام كنت اتامل الابواب القديمه المرسومه والمنقوش عليها رسومات كانها لوحات تشكيليه رائعه كانت حجرة المسافرين ( الصالون ) مغطاه بالبياضات البيضاء ناصعة البياض وبها ستائر دانتيل على شكل ملائكه باجنحه كانت تتبارى فى عملها الفتيات قبل الزواج
كانت كل مره تخلينا نزور دار ابن لقمان بيت القاضى اللى حبس فيه لويس  التاسع اثناء الحرب الصليبيه وكنا ايضا ننقضى اوقات سعيده فى اللعب والمرح فى حدائق شجرة الدر
حاجات بسيطه كونت عندنا منذ الصغر الولاء والحب للمنصوره حتى انى دائما افخر عند التعارف واقول : انا جزورى من المنصوره
وكل ما اسمع ( احسن ناس بيقولوا على كبرى بنهى ) اقول ليه كمان ميقولوش على كبرى طلخا يانور عينى ...منديل حبيبى طرف عينى )
يامه مشينا عليه ذهاب وعوده
المنصوره لها جو خاص وخصوصا فى رمضان ...مره كنا عند ستى فى رمضان وكنا ننام فى الدور العلوى وكانت الشبابيك عليها قضبان من الحديد صحيت من النوم على صوت جميل تحت الشباك بيقول : قومى يا تيتى اتوضى بابريقك الفضى .....قومى يا تيتى اتسحرى وصلى وصومى وكبرى
بصيت من وراء القضبان لم اجد سوى ضل على الارض لرجل بجلابيه ومعه قذم ؟! خوفت وجريت على السرير واستخبيت وراء اختى وقلت : شبح وعارف اسمى ؟!
فى اليوم التالى صحيت لقيت شقيقتى واقفه فى الشباك وبتقول : ياعم حسنين قول اسمى ...اسمى كذا وفضلت تمليه اسم واحد واحد من العيله وهو ينظم كلمات موزونه ويصابها الطبله بصوت جميل
وقفت جنبها فى الشباك وتاكدت انه رجل بحق وحقيق وليس شبح ومعاه طفل يحمل له المصباح ( الكلوب )
والى لقاء اخر ان شاء الله
ماما عطيات

كنا وكان

حكاوى الزمن الجميل ....( ...) ...كنا وكان
كنا نستعد لرمضان كل عام من اول يوم فى شعبان كان فى كل بيت حجره الخزين ..حجره صغيره بها ارفف خشب فى مكان جيد التهويه ونظيف
كنا نرص عليه برطمانات المخلل التى اعددناها مخصوص للشهر الكريم الى جانب برطمانات المربى طول العام المصنوعه فى البيت وبرطمانات الحلبه المعقوده لزوم الشتاء والبرد
وكنا نجفف الملوخيه ونضع الباميه الصغيره فى خيوط ونعلقها الى جانب خيط الفلفل الاحمر المعد للتجفيف
كان عندنا شبه احتفال كلما اردنا عمل السمن من الزبده البلدى ...كنا نتجمع فى الصاله حول الوابور وصفيحة السمن فى انتظار اخراج ( المرته ) ...كانت سندوتشات المرته من الذ الوجبات
بالنسبه للتين والبلح واقراصيا والقمر الدين والمكسرات ..فحدث ولا حرج ؟!
اما بالنسبه للاطفال فكان الفانوس والشمع هو كل اهتماماتهم
كنا كل يوم بعد الفطار نخرج فى جماعات كل اطفال العماره مسلم وغير مسلم وصبيان وبنات كنا وقتها نعيش فى كفر الدوار
كنا نغنى نفس الاغنيه جماعه وكل واحد معاه فانوسه ونذهب الى منزل الاصدقاء ونغنى : ( لولا فلان ما جينا الله الغفار ...ولا تعبنا رجلينا ...الله الغفار ) فكانو يملؤا لنا حجرنا بالبندق واللوز عين الجمل ( قبل اختراع الاكياس )
كنا نجلس على الارض ونستخدم حجر نكسر به البندق ونضحك ونلعب عندما ينفلت من تحت الحجره ويجرى بعيد عنا
كانت الحياه حلوه قوى كل امهاتنا كانت تقف فى البلكونات يتسامروا ويراقبونا فى نفس الوقت
واذا انطفئت شمعة احدانا اسرعنا واوقدنا لها اخرى وعندما يسخن الفانوس نغنى ( الفانوس طقطق )
مش عارفه ليه ذكريات الطفوله كلها عن رمضان انه كان فى الصيف ؟!
ومش عارفه ليه اكتر حاجه فكراها هى الليالى القمريه فى رمضان
والى لقاء اخر ان شاء الله فى
حكاوى الزمن جميل ماما عطيات