حكاوى الزمنالجميل)....( 10) بابا شارو (2 ) .....
(الايام الجميله الهادئه مرت بسرعه.....كان بابا شاروا ( سواق اتوبيس المدرسه) رجل طيب كان بيعمل لنا رحلات الى حديقة الشلالات نلعب ونفرح ونستمتع بالشمس المشرقه فى ليالى الشتاء الدافئه
كانت تركب معنا تلميذات من مدرسة نبويه موسى وكان لهم زى مميز مريله سوداء وعليها ياقه عريضه بيضاءويوم وفاة السيده نبويه موسى بكى عمو السواق وكلنا بكينا معه.... ويوم ولادت الامير احمد فؤاد من ناريمان ابن الملك فاروق كان عموالسواق فرحان وفرحنا معه
فى الزمن الجميل كان التواصل مع البرامج الاذاعيه شىء ممكن وسهل...اذكر اننى يوماما ارسلت خطاب الى بابا شاروا اشتكى له من احدى قريباتنا انها بتضرب اخواتها الصغار ورد على رسالتى وقال كلمتين لقريبتى بطلت بعدها تضرب اخواتها
وفى يوم من الايام لقيت احدى قريباتى بتبكى لانها رسبت فى شهادة الثقافه) تانيه ثانوى زمان فارسلت خطاب الى برنامج مايطلب المستمعون واهديت اليها اغنية ( انسى الدنيا وريح بالك... واوعى تفكر فى اللى جرالك) لعبد الوهاب... واتزاع الاهداء والاغنيه.... و اماالخطاب الذى مازلت محتفظه به فهو
من برنامج القوات المسلحه ( سعد زغلول) رحمه الله بيعتذر ان خطابى وصل البرنامج متاخر وان اجابتى كانت صحيحه بس ضاعت عليا الجائزه بسبب التاخير
والى لقاء اخر فى حكايه اخرى من :
حكاوى الزمن الجميل: ماما عطيات
ليست هناك تعليقات:
إرسال تعليق